Greba eguna dute Osakidetzako lehen mailako osasun arretako langileek

GASTEIZ. Lehenengo mailako osasun arretako 5.000 profesional grebara deituta daude gaur Araban, Bizkaian eta Gipuzkoan. SATSE, ELA, LAB, CCOO, UGT, ESK sindikatuek eta Lehen Arreta Arnasberritzen plataformak deitu dute grebara, eta Euskadiko Medikuen Sindikatuak mobilizazioak babestu ditu. Beharginek lan karga «onartezina» dutela salatu dute, eta erabiltzaileei gero eta denbora gutxiago eskain diezaieketela. Apirilaren 12an beste greba egun bat egin zuten.