Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 4 uztaila, 2018 Berrikuntza Digitalizazioa Enpresa digitala Fast Track Innobideak programa

Bizkaiko 10 enpresatik 6k berritu egin zuten 2017an

Norabidea txostenak dio emendatu egin dela epe luzeko berrikuntza-prozesuen kopurua

 

Norabidea txostenak dio emendatu egin dela epe luzeko berrikuntza-prozesuen kopurua

Bizkaiko konpainien %60k berrikuntza-jardueraren bat egin dute 2017an, eta %70 inguruk horrelako ekimenak sustatu dituzte azken 4 urteotan. Horra Bizkaiko Foru Aldundiak eta Bilboko Merkataritza Ganberak eginiko azken Norabidea txostenaren datuak. Azterlanak dio berrikuntza-prozesuek goranzko joera ageri dutela Bizkaiko enpresetan, bai ekintza puntualetan eta bai denboran gehiago irauten duten prozesuetan, izan ere, 2017an enpresen ia %40k berrikuntza-proiektuak egin zituzten modu jarraituan.

 

Azken Norabidea txostenak lehen aldiz jaso du Bizkaiko Berrikuntzaren Indizea, zeinak erakusten baitu enpresen %37k berrikuntza maila altua edo oso altua dutela eta %19k, berriz, maila ertaina. Hauxe da Bizkaian berritzen duten enpresen profila: 50 langiletik gorako konpainiak dira, I+G+Bn doharduten langileak dituztenak eta beste batzuekin lankidetzan aritzeko joera dutenak. Gehienek laguntza publikoak jaso dituzte berrikuntza-jarduerak gauzatzeko.

 

Neurri handi batean, prozesu horien emaitza positiboa da, enpresa berritzaileen %60k esan baitute dezente edo guztiz bete dituztela beren helburuak. Badira hobetu beharreko hainbat arlo, esaterako, kalitatea hobetzea, fakturazioa handitzea eta bezeroen premiei arinago erantzutea. Gainera, konpainien %72k enplegua sortu dute inplementatutako berrikuntzei esker.

 

Gauzatutako berrikuntza-motei erreparatuz gero, esan liteke %24 produkzio arloko prozesuak hobetzeko proiektuak izan direla, %22 produkzio arloko teknologia berriei dagozkienak eta %20 produktu berriak sortzeko proiektuak. Bestalde, hauek izan dira martxan jarritako berrikuntza ez-teknologiko garrantzitsuenak: kudeaketako praktika berriak, beste enpresa batzuekiko lankidetza jarduerak eta komunikazio arloko ekimenak.

 

Azkenik, berritzeko oztopoak ere aipatzen ditu azterlanak. Datuek diotenez, enpresen %40k ez du inolako berrikuntza-jarduerarik egin 2017an. Arduradunen arabera, ez dute halakorik egin batik bat hiru arrazoi hauengatik: ez zaielako beharrezkoa iruditzen, ez dagoelako ondasun eta zerbitzu berritzaileen eskaerarik edo kostu handia dakarrelako enpresarentzat.

Lotutako albisteak

27 Marzo, 2024 Berrikuntza
INCONEF, termodinamika- eta kontrol-ingeniaritza, mahasti artean
Irakurri gehiago
26 Marzo, 2024 Berrikuntza
Sustatu berrikuntza-proiektuak zure enpresan Fast Track Innobideak ekimenarekin
Irakurri gehiago
Bikote Solar AMercado de la Ribera 25 Marzo, 2024 Berrikuntza
Bikote Solar, 18 urte eguzki-energia enpresa-sektorera eskaintzen
Irakurri gehiago
21 Marzo, 2024 Berrikuntza
Azalera bertikal eta altuetan korrosioaren aurkako estalduren egoera sentsoreekin neurtzen duten droneak
Irakurri gehiago
21 Marzo, 2024 Berrikuntza
Elkor, teknologia eta berrikuntza altzarien eta zuraren sektorerako
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak