Librecon biltzarrik nazioartekoenak 1.200 parte-hartzailetik gora izan ditu

Teknologia irekiei buruzko VIII. jardunaldiak milioi-erdi bat eurotik gorako inpaktu ekonomikoa izan duela Bilbon diote antolatzaileen kalkuluek. SPRI Taldea ere babesle izan du jardunaldiak.

Bi egunez, erreferentzia-gune izan da Bilbo kode irekiko abangoardia teknologikoaren erreferentziari dagokionez. Azaroaren 21ean eta 22an egin da Librecon powered by Cebit ekitaldia Bilboko Euskalduna Jauregian. Seiehun bat enpresatako 1.200 ordezkaritik gora elkartu dira jardunaldian, 70 hitzaldi eman dituzte beste horrenbeste adituk, eta 40 stand jarri dituzte kode irekiko IKTen sektoreko 40 enpresak. SPRI Taldearen babesa izan du teknologia irekiei buruzko Europako ekitaldi garrantzitsuenetakoa den horrek.

Zortzigarren urtea izan du aurtengo Librecon powered by Cebit jardunaldiak. Bilbon egin den hirugarren aldia izan da, eta orain artekoetatik nazioartekoena izan da. Horren adierazle dira datuok: hamabi bat herrialdetako hizlariak mintzatu dira; Espainia-Alemania Zirkuluko zenbait enpresari ezagun eta software librearen alorrean erreferentziakoak diren Open Forum Europe, Cebit eta Osadl (Alemania), CNLL eta Aquinetic (Frantzia) eta ESOP (Portugal) elkarteetako hainbat ordezkari bertaratu dira…

Alderdi ekonomikoari dagokionez, berriz, milioi-erdi bat eurotik gorako inpaktua izan du foro horrek Bilbon, topaketaren antolatzaileek eginiko lehen datu-balantzearen arabera. ESLEk (Euskadiko Software Libreko Enpresen Elkartea) eta ASOLIFek (Software Libreko Enpresen Espainiako Federazioa) antolatu zuten jardunaldia, Bizkaiko Foru Aldundia, Eusko jaurlaritza eta Bilboko Udala laguntzaile zirela.

Lotutako albisteak

12 apirila, 2024 Digitalizazioa

Lau ekintzailek plataforma bat sortu dute 4.0. Industriako proiektuak online kudeatzeko

Irakurri gehiago

12 apirila, 2024 Digitalizazioa

ScrapAdek hondakinen salerosketa-prozesua errazten die mundu osoko enpresei

Irakurri gehiago

5 apirila, 2024 Digitalizazioa

Zure enpresa industria adimendun bilakatzen laguntzen dizu Smart Industry programak

Irakurri gehiago

5 apirila, 2024 Digitalizazioa

Egin ezazu prestakuntza-plana zure enpresan Gaitasun Digitalen programarekin

Irakurri gehiago

4 apirila, 2024 Digitalizazioa

Trebe, euskarazko, galegozko edo katalanezko ahotsak itzultzeko, transkribatzeko eta sintetizatzeko aukera ematen duen lehen plataforma

Irakurri gehiago

Joan blog-era