Jokin Altunak Xalaren ordez jokatuko du binakako txapelketan

Asier Imaz 2014ko abe. 22a, 19:46

Binakako esku pilota txapelketa asteburuan hasi zen. Iñaki Artolak ostiralean jokatu zuen Albisurekin, eta galdu egin zuten, Oinatz Bengoetxea eta Aretxabaletaren aurka. Leitzarra izan zen partidako izarra, eta Albisuk ez zuen bererik eman. 

Alegiarra bikain hasi zen, baina Bengoetxea VI.aren aurrean, kosta egin zitzaion erritmoari eustea. Binakako txapelketaren barruan, lehen jardunaldiko azken partida atzo jokatu zen Tolosako Beotibarren. Bertan, Xala lesionatu egin zen, eta bere ordez, hurrengo igandean, Jokin Altuna amezketarrak jokatuko du Merino II.arekin, Bengoetxea VI-Aretxabaletaren aurka. Partida hori Eibarren izango da. Artolak, bere aldetik, Tolosan jokatuko du astelehenean, Ezkurdia eta Zabaletaren aurka.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!