Literaturari beste txoko bat egingo diote Berrobin hil honen amaieratik aurrera. Izan ere, ekainaren 28an, 15:00etan, udal liburutegian bilduko da lehen aldiz Irakurle kluba, Arantxa Urretabizkaiaren Zuri-beltzeko argazkiak liburua aztertu eta komentatzeko.
Irakurle klubetik herritarrei bertan parte hartzeko gonbita luzatu diete, liburuek biltzen eta ezkutatzen dituzten istorioek gordetzen dutena ezagutzeko gonbita eginez: «Letrak, istorioak, historia, hizkuntza, literatura, sormena... eta hainbat gauza gehiago liburuek gordetzen edota erakusten dutena».
Zuri-beltzeko argazkiak liburua 2014an argitaratu zuen idazle donostiarrak. Autoreak haurtzaroko oroitzapenen bidez, 1947 eta 1960 arteko Donostiako giroa islatu nahi izan zuen liburuan, baina idazleak zehaztu zuen liburua argitaratutakoan kontatu nahi duena ez dela bere haurtzaroa. Guztia tituluak dioen moduan argazkien bidez kontatzen du, gainera.
Arantxa Urretabizkaiaren 'Zuri-beltzeko argazkiak' liburua aztertuko dute ekainaren 28an, 15:00etan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!