Inkesten arabera, EH Bilduk lehenengoz irabaz ditzake Eusko Legebiltzarrerako hauteskundeak. Zalantzan daudenen bozkak erabakigarriak izango dira. Gauerdian amaituko da kanpaina.
Soziolinguista legazpiarrak 'Euskararen egoera gaur. Zer diote datuek?' hitzaldia egin du Segurako Danon Gelan. Euskara "minorizazio gorrian" dagoela nabarmendu du.
Lehenengo Arte Eguna egingo dute Beasainen, Erauskin plazan, igandean. Arte azoka, karikaturak, buztingintza tailerra, antzerki tailerra, musika eta taloak izango dira, goizean zehar.
Sergio Sedanok hartu du taberna eta jatetxe zerbitzuen ardura, Mikel Arrizabalagaren babesarekin. Sei urtez egon da itxita. Ingurua girotzeko, udan ekitaldiak antolatzeko asmoa dute.
Apirilaren 27an izango dute finalerdia, Azpetian, eta irabaziz gero, finala hurrengo egunean. Bi partidak irabaziz gero, Espainiako Txapelketa jokatuko dute.
Apirilaren 26an hasiko dira ofizialki jaiak, baina ikuskizun ugari prestatu dituzte bihartik igandera bitarterako ere. Pilota, dantza, artisau azoka, ‘Bertsozientzia’ eta erraldoi topaketa egingo dira asteburu honetan.
Euskal musikagile gorenen ahotserako sorkuntzak abestuko dituzte, tartean Larrearenak, haren obraren berreskurapen prozesuan. Igandean 12:15ean da kantaldia, Andre Mari elizan.
Argazkilari legazpiarrak 1989tik 2014ra bitartean osatutako 'Leaxpi, industri paisaiak' bildumako hamaika lan dira. '100 urte. Modernoa eta /edo garaikidea' da erakusketaren izenburua, eta bi urtez egongo da ikusgai.
Angel Rodriguez beasaindarrak shorinji kempoa praktikatzen du duela 40 urte baino gehiago. Diziplina honetan nola eta zergatik hasi zen, GUSKE eskolaz eta shorinji kempoaren printzipioez mintzatu da.
Adierazpena argitaratu du Legorretako Udalak herri eskolan, kiroldegian eta Herri Antzokian agertu diren pintaketen harira: "Aniztasuna, errespetua, gorputz guztien onarpena eta guztiok aske izan gaitezen ezinbestekoak diren balioak zapuzte aldera egin dira".
Moto pilotuak igandean debutatu zuen munduko txapelketan, Amerikako Estatu Batuetan, eta lehen lasterketa hori telebistaz ikusteko jarraitzaile ugari elkartu ziren Karibe Zaharra tabernan. Hor du egoitza fan klubak.
Apirilaren 21eko Eusko Legebiltzarrerako hauteskunde kanpaina martxan da joan den ostiralaz geroztik. Hainbat ekitaldi antolatu dituzte alderdiek datozen egunetarako.
Grafitti erakustaldia eta mikro irekien saioa egongo dira arratsaldean, eta gauean, kontzertuak. Jaiak hasi aurreko astebururako ere kontzertuak antolatu dituzte.
Maiatzaren 25ean ospatuko dute Ordiziako Zortzikoaren zazpigarren edizioa. 12 urtetik gorakoek parte hartu dezakete.
Erakusketa Kultur Etxean dago, eta hilaren 26ra arte egongo da zabalik, arratsaldeetan.
18 urtez azpikoetan izan da hirugarren ordiziarra. Absolutuan 16. postua eskuratu du. Euskal Selekzioarekin parte hartu du.