Hilik zeuden produktuei bizia ematen

Xabi Gorostidi 2017ko mai. 6a, 12:54

Bigarrenez Antolatu dute Flea Market azoka Oñatin gaur goizean. Eguraldia lagun, jende ugari gerturatu da ekitaldiz ekitaldi handitzen doan bigarren eskuko azokara. Antolatzaileak pozik azaldu dira, eta urria edo azaroa aldera beste bat antolatzeko asmoa dutela adierazi dute.

Umeentzako jostailuak eta karrotxoak, bizikletentzako osagaiak, gazte eta helduentzako moda, askotariko liburuak... denetarik erosteko aukera izan da Oñatiko Plazan jarritako postuetan. "Iaz 14 mahai jarri genituen, eta aurten, ostera, 25 jarri ditugu" adierazi du Marije Zubizarreta antolatzaileak.

"Lehen aldian bezala, gure asmoa gauzei bizia luzatzea da. Etxean geldi daukagun hori, beste norbaitek erabili dezakeela uste dugu, eta horretarako beharrezkoak dira era honetako ekimenak" azaldu du Zubizarretak.

Bertaratu diren erosleak eta saltzaileak pozik geratu dira. Emaitza ona ikusita, antolatzaileak gogotsu daude hirugarren ekitaldia prestatzeko: "Gaurkoak izan duen arrakastarekin, hirugarren azoka bat egiteko gogoz daude. Ziurrenik urria eta azaroa bitartean egingo dugu".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak