Martxan da Irudimena sormen lehiaketa

Euskal kultur erakundeak eta Azkue Fundazioak abian dute Irudimena sormen lehiaketaren bosgarren edizioa. Parte hartzeko interesa baduzu, ibili bizkor eta eman izena azaroaren 15a baino lehen. 

Dantza izango da aurten, Irudimena lehiaketaren ardatz nagusia, eta parte hartu nahi duen orok Ainhoarrak, Larrain-dantza, Mutil-dantzak, Txantxoak, Bralea, Oilasko-biltzea, Hegi, Erregelak et Pipaon eta Villanuebako paloteadoak doinuen artean bat aukeratu beharko du lehendabizi. 

Ondoren, hiru sailetan banatu dute lehiaketa. Horrela, doinua aukeratuta, soinu baten sorrera (musika, kantua, nahasketa…), euskarazko testu baten sorrera edozein generotan, edo irudi berri baten sorrera (argazkia, marrazkia…) proposatu beharko du. 

Parte hartzea zabalik dago 14 urtetik gorakoentzat, eta adingabeek aitamen baimen idatzia helarazi beharko dute izena ematerakoan. Era berean, guztira, parte hartzaile bakoitzak gehienez ere bost lan proposatu ahal izango ditu,

Lehiaketaren oinarriak eskuragarri daude lotura honen bitartez, eta parte hartzeko interesa duen orok, inprimakia beteta, mezu bitartez bidali ahalko ditu info@irudimena.eus helbidera azaroaren 15a baino lehen. 

Aukera hau galdu nahi ez baduzu, ibili bizkor eta parte hatu!