Teknofiloak
Teknologiaz eta Interneteko kontuez idazten dutenak. Geek jendea eta.
V'GER
1977ko irailaren 5ean irten zen gure planetatik 2009ko abenduaren 21ean 0,0017 argi urtetara zegoen, eguzki sistemaren mugan eta 2217an itzuli zen , sortzaileekin bat egiteko xedearekin. warp bortz 2010/02/09 - 00:33:02
Bo hizkuntza, euskara, bertsoak eta software librea
Irratia.com ez da filologia Irratsaio bat egiten dugu astero Jabi Zabala eta biok: irratia.com. Eta 10 urte betetzen ari gara, sarean, lanean. Euskal kultura digitalaz aritzen gara, gure apalean. Eta zer da ba euskal kultura digitala? Duela hamar bat urte hasi ginen termino horrekin, eta hori izan da gure iparra, hori gure egitekoa. Gure kultura digitalizazioaren alorrean [...] gaztelumendi.org 2010/02/08 - 23:51:03
nork ez du negarrik egin?
Miren eta Arantzaren alabek, Maddalen eta Mirenek kantuan jarri zuten Kursaal azpiko jatetxea, eta negarrez jarri dute Euskal Herri erdia. Bertso jarriak, amari eskainiak. Sorta alai, gogotsu kantatua, doinuz aberatsa eta estetikaz berria. Inoiz entzun bako modukoak, ondo gogoan hartzekoak. biba zuek! Harro egon daitezke Amuriza eta Arzallus ere. gaztelumendi.org 2010/02/08 - 12:17:05
zientziaren eraginkortasuna
Gipuzkoako berripaper batek lehen orrialdeko titular nagusi bihurtu du Garmendia Espainiako Zientzia eta Berrikuntza ministro anderearen hitz hauek: 'Una ciencia más eficiente sirve para avanzar en la cohesión social'. Egia esateko hitzak banan-bana hartuta entenditzen ditut, esaldian josiak, ordea, ez. Etxekoek ere ez dituzte ulertu. Dena dela, 'zientzia eraginkorra' da nik uste guztiaren gakoa. Akaso, ministro anderea teknologia-enpresen nagusia delako otu zait hori. Izan ere, enpresak etekinak eman behar dio nagusiari eta horretarako eraginkorra izan behar. Zientziari ez zaio 'eraginkor' adjektiboa komeni; baldartu egiten du. Historiari erreparatu. Eraginkortasunaren ikuspegitik ederra Darwinena! Ebidentziak begien aurrean izanik, ideia bere buruan borobildua eta makina bat urte behar izan zituen eboluzioaren teoria lau haizetara barreiatzeko. Iraultza sorrarazi zuen hala ere. Eraginkortasuna esan dakioke Planck-ek kuantua postulatzean egin zuenari? Zientzia-sistemaren eraginkortasuna izan zezakeen Garmendiak gogoan hitz horiek esan zituenean eta horri bai eskatu behar zaiola eraginkorasuna. Baina sistema ez da zientzia eta zientzia horren zati bat baino ez da. Sistema partez bada I+Grako jartzen diren baliabide publikoen tamaina eta Espainiako gobernuak jartzen dituenak nekez hobetuko dute sistemaren eraginkortasuna. Enfin, litekeena da ministroak politikariek horren beste maite duten jokoa besterik ez egitea, hots, bost ogerleko hitzak batu inork konprenitzen ez dituen esaldi ponposoak osatuz. Izarren Hautsa: zientzia eta beste 2010/02/08 - 00:04:01
Blogariak Amaraunean, 2010/02/07
Aspaldiko partez, gaurkoan ordenagailuak kasu egin dit eta grrabatu egin du Amaraunako blogarien tartea. Eibartik Oier Araolaza izan dugu aurten egin duten Koko Eske bereziaren berri ematen, eta gainera Benito, Jozulin eta hirurok ibili gara berbetan, Regresa, asko maite zaitut filmaz, Oscar sarietarako nominazioez, interakzioaz eta beste hainbat kontutaz. Entzuteko, badakizue, sakatu beheko PLAY botoiari. Hemen ere [...] Teknopataren txokoa 2010/02/07 - 15:12:07
Lara hil zaigu
Atzo iluntzean izan zen, 23:45ak inguruan: hegoak zoroen pare astindu, eta zerraldo jausi zen kaiola barruan. Lara gure kanarioa zen, eta lau bat urte zeramatzan gurekin. Elorrioko Ferixa Nagusietan erosi genuen, eta harrezkero gurekin izan dugu, txoko hau alaitzen. Telefonotik Twitter-era bidali nuen lehen argazkia berari atera nion, goiko hori bera. Orain bi aste, gainera, post bat eskaini nion Faroan. Faltan sentituko ditugu haren txorrotxioak. Faroa 2010/02/07 - 13:07:02
zatoz alde ilunera!
Klingon Inperioak eta baita Planeten Elkarte Batuak ere beren eskaintza egin ziguten prestatzen ari den Gatazka Galaktikoaren aurrean gure alderdia aukeratzeko. Orain Inperioaren txanda iritsi da eta energiaz beteriko irudi baten bidez alde ilun bezain eraginkorrarekin bat egiteko gonbidapena luzatzen dizu. Ezetz esateko gai izango zara? Egin zuen hautua, Gatazka Galaktikoa laster iritsiko da eta! (Gogoeta: Marvelen makrosaga mega-aspergarri baten itxura hartu du sarrera honek azkenean) Iturria: Mundo geek . warp bortz 2010/02/05 - 13:33:02
Bideojokoak gomendatzen otsaila 2010
Bayonetta (PS3, Xbox 360) Bayonneta Hideki Kamiya bideojoko garatzaile ezagunaren akziozko azken sorkuntza da, protagonistatzat berezko estilodun heroi sexya duena, bideojokoen hurrengo emakumezko ikono bihurtu daitekeena. Borroka epiko honetan Bayonnettak hainbat izakiri egin beharko dio aurre, aingeru zein deabru. %100ean benetako akzioa, inolako zentsurarik gabe. The legend of Zelda: Spirit Tracks (NDS) Link heroia abentura berri eta harrigarri [...] 53R61-ren bloga 2010/02/05 - 13:26:04
Beyonceren Aldeko Taldearen komunikatua
Zutabe kritiko samarra eskaini zion atzokoan Gotzon Barandiaranek Beyoncé kantari estatubatuarrari bueno, edo Euskal Herriko hedabideei, Beyoncek irabazi berri duen Grammy sariari emandako oihartzunagatik. Beyonceren Aldeko Taldetik jakinarazi digutenez, pop star amerikarra oso saminduta dago jasotako kritikekin, eta prentsaurreko batean azaldu du ez duela ulertzen zertara datozen Barandiaranen kritikak, berak ekarpen asko eta asko egin baitizkio [...] Teknopataren txokoa 2010/02/05 - 01:35:04
roboesklabutza
Haurrak zapatilak eta diru-zorroak josteko erabiltzen baditugu, zer ez diegu egingo robot-haurrei? Azken finean txikiak dira, kontrolatzeko errazak, energia gutxi behar dute eta bizidunak ez direnez, inork ez du beren eskubideen alde egingo. Hori bai, aita Nexus-6a gu guztiok suntsitzera datorrenean agian gauzak beste era batez ikusiko ditugu. Ezer ikusteko astirik badugu behintzat. Iturria: Pixfans . warp bortz 2010/02/04 - 19:45:02
Asteazken (gau) musikala: Zelda musika makina bitxi batekin egina
Asteazkena egun zoragarria da, larunbata eta igandea baino gehiago, dudarik gabe. Izan ere asteazkenean asteko gertakizun mediatikorik handienak izan ohi dira (eta ez naiz Appleren ditxosozko keynoteez ari): Nikck dut Nik (azkenaldian, nire agerpenarekin asko irabazi duena) eta, n0ski, Asteazken Musikala (tm). Pues hori, goza ezazue Zeldaren musikaz txiptunes soinuak egiten dituen makina bitxi batez lagunduta. See more funny videos and funny pictures at CollegeHumor . Bonus track: Makina bitxia Stylophone a omen da eta wikipedia orojakitunak dioenez musikari profesionalek ere erabili izan ohi dute beren disketan. Bitxia. Iturria: Games Ajare . warp bortz 2010/02/04 - 02:00:02
Pablo Picasso eta Gernika: beste ikuspegi bat hiru dimentsiotan [erremix kultura]
Sarean zabaltzen ari da. Mezuetan, sare sozialetan. Leku eta toki ezberdinetatik heldu eta irakurri dut. Ikusi dut. Eta merezi du erakusteak. Lena Gieseke artistak webgune berezia atondu du Pablo Picassoren lanaren gainean. Eta hiru dimentsiotako kuadroa erakusten digu gero. [Erremix kultura] Erremix kulturan txertatzeko moduko adibidea, duda barik, hemendik aurrera ohikoagoa izango dena. Lan bat, kantu bat, hitz batzuk [...] gaztelumendi.org 2010/02/03 - 14:39:04
Ikaslea eta irakaslea, elkarlanean
Gutxitan ikusten da, eta horregatik aipatuko dut, oraingoan gure fakultatean gertatu delako: Aitor Zuberogoitiak eta Lierni Alkortak --lehena irakaslea eta bigarrena ikasle ohia HUHEZIn-- liburu bat argitaratu berri dute elkarlanean: Masa-komunikaziotik informazioaren gizartera. Euskararen bideetan barrena, non ikuspegi panoramiko globala eskaintzen baitute euskarazko hedabideen inguruan. Lehena lankidea dut eta bigarrena ikasle ohia, hemen egin baititu Ikus-entzunezko komunikazioa eta Humanitateak-Enpresa. Zorionak biei eta UEU ri, berau liburuaren argitaratzaile denez gero. Faroa 2010/02/03 - 14:16:01
TANDEM PROGRAMA
29A 2010/02/03 - 12:02:01
Animaralia: Lip Dub bat Donostian
Iragan larunbatean 60 gaztek, eibartarrak gehienak, Lib dub bat grabatuko genuen Donostian, Udaletxe pareko parkean . Lip dub bat ikus-entzunezko mota bat da: kantu ezagun bat entzuten den bitartean, kamara batek sekuentzia bakarrean ibilbide bat egiten du, eta bidean jendearekin topo egiten du abesten, dantza egiten, eta abar. Lan hau Citröen auto markak antolatutako lehiaketa baterako egin dugu. Finalista gaude, eta erabiltzaileen botoak behar ditugu Youtuben bertan . Albistea Sustatun: Lip dub bat filmatuko dute larunbatean Donostian Albistea Eibar.ORGen: Eibartar talde batek egindako lip dub bideoklipa Berriemaile 2010/02/02 - 15:32:03
Gizonik bilatuena
Atzo amaitu nuen John Le Carre idazlearen azken eleberria: A most wanted man. Gaztelaniaz irakurri nuen, benetan gustura. Baina ez pentsa horrela denik ondo bilbatutako istorioak kontatzen dituelako soilik. Horrezaz gain, Le Carrek maisuen pare marrazten ditu pertsonaiak, eta baita egoerak ere. Nik uste dut gehiago ikasten dudala gaur egungo egoeraz Le Carreren eleberri bat irakurrita, inguruko egunkari eta aldizkarietako editorial eta erreportajeak irakurrita baino. Eta liburu hau ez da salbuespena izan. Bertan, maisuki deskribatzen ditu irailaren 11k utzitako mundua eta Mendebaleko inteligentzia zerbitzuen paranoiak. Haria, bizia; pertsonaiak, sendoak; eta bukaera, harrigarria. Erabat gomendagarria. Faroa 2010/02/02 - 08:38:03
iPad Wars
Zientzialariak beldur dira iPhone hormonatuaren aurkezpenaren biharamunak zer nolako eragina izan behar ote duen negutegi efektua eta beroketa globalaren gainean. Han-hemenka irakur eta entzun daitekeenez, ez da giro California aldean, iPad ditxosozkoaren inguruan enpresa batekoek eta bestekoek egindako adierazpen zaparradaren ostean. Batetik, Steve Jobs bera daukagu. Cupertinoko gurua bere egoera fisikoaren eta Appleren gaineko lidergoaren inguruko [...] Teknopataren txokoa 2010/02/01 - 20:19:08
Froga
euskaltube.com bideoak | Izenburua: CS Tailerra: Luistxo Fernandez | Erabiltzailea: sustatu euskaltube.com audioak | Izenburua: Yerushalayim shel zahav | Erabiltzailea: luistxo Gutenberg Galaxia 2010/02/01 - 14:58:05
grebaorokorra.info larriki saritua
ARGIA saria eman diote maiatzaren 21eko grebaorokorra.info ekimenari. Biba zuek! pikete informatiboa egin zenuten guztiok. gaztelumendi.org blog honetan grebaorokorra etiketarekin, m21eko grebari eta grebaorokorra.info proiektuari eskainitako albiste eta iritziak. gaztelumendi.org 2010/01/29 - 20:54:03
Etorkizuneko SEO-a azpiegitura omen da
Bilbon nago, Search Congress Bilbao hitzaldietan. Atzo mintegien eguna izan zen eta gaur kongresua bera. Atzo Javier Casares-en hitzaldian egon nintzen: El próximo SEO: la infraestructura . Javierren teoria da gaur egun gehienok gauzak ongi egiten ditugula SEO aldetik. Orduan, desberdintzeko hurrengo pausoaren bila jarraitu behar dugula, eta hurrengo pausoa beretzat, abiadura eta perfekzio teknikoa dela. Hau da, zerbitzariak ongi konfiguratzea, webguneak azkar erantzutea, redirekziorik ez edukitzea eta abar. Hainbeste sinesten du gai honetan, bere datacenter propioa sortzen hasi dela! Hor badugu zer hobetu egia esan. Merezi du Javierren aurkezpena ikustea, informazio gehiena hor dago, bere webgunean jarrita. Teknosexua 2010/01/29 - 15:36:03
