Teknofiloak

Teknologiaz eta Interneteko kontuez idazten dutenak. Geek jendea eta.

"Harald eta Ignir-en altxorra" 2

Harriet-ek Matthieu eta Antoine Brivet anaien komikiaren jarraipena argitaratu du  e-gorblog 2022/07/28 - 00:00:00

Tintinen beste komiki bat berrargitaratu da euskaraz: Uharte beltza

Zephyrum eta Trilitak azken urteotan atera duten laugarrena da  e-gorblog 2022/07/14 - 00:00:00

Komiki aldarrikatzaile-dibulgatzaile-pedagogikoen uholde amaiezina

Azkenaldian hilabeteetan horrelako ugariren berri eman dizuegu; bada, hona beste sei!  e-gorblog 2022/06/30 - 00:00:00

"Aztarna faltsuak", Duhamel-en beste komiki bat euskaraz

Ohi bezala, Harriet argitaletxearen eskutik  e-gorblog 2022/06/22 - 00:00:00

"Amaiur! Libera State", Amaiurko gazteluaren hartzeari buruzko Asiskoren komikia

Amaiur Gaztelu Elkarteak, Herrimak, Gure Berriak-ek eta Erroak atera dute gertakariaren 500. urteurrenean  e-gorblog 2022/06/10 - 00:00:00

"Kriptodirua, batez ere, espekulaziorako erabiltzen da"

Txomin Madinak Puntua aldizkarirako kriptodiruaren eta beste gai batzuen inguruan egin zidan elkarrizketaren bertsio luzea  e-gorblog 2022/05/30 - 00:00:00

"Ahlam, bizitza batekin amestuz" komikia atera du UNRWA Euskadik

Susanna Martín eta Cristina Buenok egindako komiki honek Libanon errefuxiatu gisa bizi diren emakume palestinar zenbaiten istorioak dakarzkigu  e-gorblog 2022/02/26 - 00:00:00

Euskal kulturgintza Bilbon

Euskaratik eta euskaraz Otsaila. Pandemia osteko bigarren negua. Apurka apurka debekuak eta ezintasunak altxatzen ari dira. Kostako da oraindik. Kafe Antzokia zabaldu dute. Zabalik da, martxan. Martxan den bezala, aspaldian Alde Zaharra, eta auzoak. Eta hiri oso bat euskal kulturgintzari kea ateratzen. Grisetik kolorea sortzen. Oharkabean, asteon ikusi eta bizitakoak, entzundakoak, dastatutako batzuk, jarraitutakoak berton Bilbo! Astelehena Astelehenean Eider Rodriguezek solasaldia Biran, Eraikuntzarako materiala nobelari buruz. Bete beterik aretoa. Galderantzunak, oso interesgarriak. Gogoetak. Literatura. Fikzioa. Errealitatea. Muga tabernatik Birara noala, Kafe Antzokiko arduradunak potea hartzen. -Pozik ezta? Azkenean aste honetan bai! Beste kezka bat adierazi gura izan zidaten. -Ostiralerako sold out egin du Mikel Erentxunek. Sarrera guztiak agortuta. (Eta kopurua) -Oso gutxi saldu dira Rafa Ruedarenak. Zer egin behar dugu? Eta euskal kulturgintzaz hirulau berba azkar, gogoeta arin batzuk, eta banoa korrika Birarantz. Han, esan bezala, jendetza. Eta burua Kafe Antzokiko saltegian. Baina literaturak plazak irabazi ditu. Betetzen du astelehen iluntze batean Bira bezalako taberna, kulturgune, areto bat. Eta solasaldia jarraitzen adi adi jende guztia. Apunteak, argazkiak, txioak. Kultura bor borka. Eta tertulia. Eta gogoeta anitz. Eider Rodriguez: "Maitasuna oso gauza konplexua da" ERAIKUNTZARAKO MATERIALA @BIRA_Kultura pic.twitter.com/Ljyl1XoJKv ARMiARMA.eus (@armiarma) February 15, 2022 Erronda kalean bertan, Adaxka tabernan bertso saioa, eta gazte mordoa bertan. Bertso Erronda martxan. Josu Ibarguren sailkatu da gaurko saioan zuzenean 7katuko finalera! Zorionak eta eskerrik asko laukote! Datorren astera arte ???? pic.twitter.com/7iDHm5HZaB Adaxka Kultur Elkartea (@AdaxkaKE) February 15, 2022 Osteguna Lautan hiru antzerki jaialdia Alde Zaharrean. Plaza Barrian Euskaltzaindiako egoitza nagusia eta Cafe Bilbao. Handik gertu Zazpi katu gaztetxea eta Bira, berriz ere. Euskal antzerkigintza alde zaharrean, otsailean zehar. Atzo LAUTAN HIRU antzerkia (III). Esker mila @kaitinallende , Maite Arrese eta Piszifaktoria Ideien Laborategia @maikoxki @Onaindi !!! Ederra!! Datorren ostegunean azken astea. Bonoak dagoeneko salgai @CafeBarBilbao n eta BIRAn. Infoa: https://t.co/M1rAZf6Pc6 pic.twitter.com/zX1w2ibVwG BIRA Kultur Gunea (@BIRA_Kultura) February 18, 2022 Kafe Antzokia zabaldu da. Ireki dute azkenean. Ea luzarorako den. Astelehen iluntzeko gogoetak ekarri nau kontzertura. Atarian, ostegun iluntzeko giroa. Euskaltegiko ordutegiak, kontzertuen abiapuntua Goiko aretoan Bilboko Supercremalleras, eta 21:30etan Rafa Rueda iragarrita. Jende ezaguna. Argazkilariak. Prentsako jendea. Irratietan aritutakoak. Bertsolariren bat. Eta baita, kantariren bat edo beste. Barrura sartu eta marmarra soinu bilakatzen da. Hasi da kontzertua. Pozik Rafa, Bilbon Kafe Antzokia daukagulako. Sortu zelako. Eta jezarrita hasi du kontzertua. Zutik gaudenok lerrotan gaude. Hasierako 3 lerrootako guztien izenak aipa nitzake. Azken 25 urteetan ere hemen bueltaka ibilitakoak asko eta asko. Gazteenak berrogeitik gora, ziurrenik. Atzeragoko lerroetan denetarik. Eta Gabriel Aresti euskaltegikoak ere etorri dira. Kulturgintza horrela ere bultzatzen delako, euskara eta kultura ezagututa ulertzen direlako hobeto. Arituz. Entzunez. Eskerrik asko. Pozik dago Rafa eta ez da gutxiagorako. Bertan behera geratu diren kontzertuak, nahi eta ezina. Kultur diputatua dantzan, hori da gure iraultza. Telebistako esatari eta tertulianoak, irratietako disko jartzaileak, prentsan dihardutenak eta jubilatuak. Musikariak. Musikazaleak. Txiolariak. Irakasleak. Ruedak batuk gaitu. Eta Kafe Antzokiak iraungo du zutik, eta ez gara isilduko! View this post on Instagram A post shared by Patxi Gaztelumendi (@gaztelumendi) Otsaila da, negu gorria. Eta karteldegian agertzen dira agortutako sarreren markak. Programazioa betetzen ari da, atzean geratutako kontzertuak iragartzen dira berriz ere. Eta martxoan Loraldia etorriko da, eta Korrika eta beste hamaika gehiago. Euskaratik eta euskaraz, berton, Bilbon. Mikel Martinezek Alderray obra berria aurkeztuko du Arriaga antzokian. Katixa Agirre eta Maite Larburuk Kax kax hurrengo astelehenean. Bilbo Arestiren hiria da. Euskararena. Kulturak Euskal Herrian duen hiriburu handiena. Balia dezagun.  gaztelumendi.eus 2022/02/19 - 00:00:00

Asterixen album berria, euskaraz ere bai

"Asterix eta grifoa" du izenburua Jean-Yves Ferri eta Didier Conrad-ek ondutako istorioak  e-gorblog 2022/02/17 - 00:00:00

Biga 3 - Errekreazioak, klik eta ekin!

Txikiberri bildumako sail honen jarraipena atera du Astiberrik  e-gorblog 2022/02/16 - 00:00:00

Wordle-an euskaraz jokatzeko laguntzailea

Hitzak aurkitzeko nire mugekin etsituta, modako jokuan jokatzeko tresna bat prestatu dut.  Teknosexua 2022/02/06 - 00:00:00

Ainaren bidea

 gaztelumendi.eus 2022/02/01 - 00:00:00

zelan aurre egin hotzari literaturarekin

 gaztelumendi.eus 2022/01/26 - 00:00:00

Txillardegi

Txillardegi idazle, pentsalari, euskaltzale, pianista, injeniari, aktibista eta kronista euskaldunak utzi gintuen duela 10 urte. Beti miretsi izan dut Jose Luis Alvarez Enparantza Txillardegi. Beti. Oso gaztea nintzen, egin egunkarian Exkixu liburuaren berri izan eta nobela irakurri nuenean. 16 edo 17 urte izango nituen #egin egunkarian #Exkixu nobelaren berri izan eta irakurri nuenean. Etxeko gazteentzat eskuratu beharko dut berriz ere, niri sortu zidan lilura eta irrika sortuko ote dien frogatzeko edo. #Txillardegi zalea izan naiz beti, beti. pic.twitter.com/AjynNEyDTD gaztelumendi ???? (@iPatxi) January 14, 2022 Asko gustatu zitzaidan. Eta bere pentsamenduarekin bat egin nuen. Eta gerora, beti jarraitu izan dut bere ibilbidea, lana, pentsamendua, idatziak eta abar Kritikoa izatean zekien, euskaldun moduan aritu zen mundu osoan, euskaltzalea, independentista sutsua, pertsona argia, eta bere ideiak argi adierazten zituena. Omenaldia DurangonGazteak ginen, baina erreferentea zen askorentzat. Eta Euskal Herriko gazte mugimenduaren baitatik, orduko gazte erakunde gogorren aldamenetik, gerizpetik omenaldi bat antolatu genion 1998ko Durangoko azokan. Omenaldi xume bat. Baina berak oso eskerreonez hartu zuena, guk berarentzako baino hitz hobeak izan zituen berak gazteentzat. Borrokan jarraitzeko. Bi hitzetan. Eta ulertu gura izan genion, ikasten jarraitu beharko genukeela, saiatzen, euskalduntzen eta berreuskalduntzen, borrokatzen eta kritikoak izaten. Eredu zen, eta eredugarriago gure ondoan ezagutu genuenean. Gazte kultur gunea asmatu genuen orduan. Eta azokan ere egon ginen. Fantzineak, egutegiak edota agendak saltzen. Eta omenaldia egin genion. Eta Mattin marrazkilariaren irudia oparitu genion kuadro apal baten. 1998an zela gogoratzen dut, Durangoko azoka garaianBerbaro tabernaren ondoanomenaldi polita egin genion orduko gazteok #Txillardegi handiari. Gurekin pozik aritu zen eta Mattin marrazkilariaren irudia oparitu genion. pic.twitter.com/Cn3v67Xc5M gaztelumendi ???? (@iPatxi) January 14, 2022 Txillardegi idazlea Euskal Herrian Euskaraz, Euskara batua, ETA, Altsasuko mahaia, Egunkaria edo beste hainbat ekimen garrantzitsuetako partaide, sortzaile, asmatzaile izan denak merezi du omenaldi sendo bat bere herrian. Eta uste dut, herritarron artean, euskaltzaleen baitan baduela onespenik eta omenaldi jatorrik. Ofizialki gehiago saiatzen dira ezkutatzen, zailtzen, beldur direlako, gai ez direlako, inkopententeak direlako azken finean. Hizkuntzari eta literaturari egindako ekarpena eskertzeko modurik zintzoena, bere lanak irakurtzea izango da ziurrenik. Txillardegi liburutegiaren alde egingo dugu, baina Txillardegiren lanak liburutegitik jaso eta irakurtzea bai izango litzatekela iraultzailea. Gaur, Txillardegi idazle euskalduna gogoratzeko eguna dela uste dut. Eta, bihar ere bai. Jose Luis Alvarez Enparantza #Txillardegi Bere bizitza, bere liburuak, aipamenak, liburuak osorik, loturak eta kritikak:https://t.co/ka33PS7a9V pic.twitter.com/KvQ87YdvUY ARMiARMA.eus (@armiarma) January 14, 2022  gaztelumendi.eus 2022/01/15 - 00:00:00

jalgi hadi mundura!

Urtea pozik hasi dut.Asmo berrien bila ari nintzen, lan berri baten bila alegia. Eta sare sozialek horretarako ere bere balioa dutela ikusi dut. Gogorra da batzutan norberaren egoera edo ezintasuna sarean azaltzea. Baina, jende on asko dago bazter guztietan. Eta bazterretik, ertzetik ari garenean, aldamenean sentitzen dituzu asko. Eta oso eskertzekoa da hori. Urrian idatzi nuen mezu hau: lan bila nabilhttps://t.co/nLmBVRAyjv — gaztelumendi ???? (@iPatxi) October 21, 2021 Eta berehala hedatzen hasi zen. Mezuak, galderak, bertxioak, eta baita proposamenak ere. Eta oso eskertzekoa da hori. Harrituta batzuk, kezkatuta baten bat. Zientzia asteaBaina ia egun berean lan eskaintza bat izan nuen, eta hurrengo astean Euskal Herriko Unibertsitateak antolatzen duen Zientzia astea kudeatzen ari nintzen Gasteizen, eta handik aste batera edo Arkeologia museoan ekitaldi guztiaren ardura hartu nuen. Hizlariak, zientzilariak, umeak, gurasoak, unibertsitateko arduradunak, museoko kudeatzaile eta langileak, unbertsitateko langileak, webmasterra Gasteizera joan etorriak, eta pozarren lanean. Kontratu mugatua, bi astekoa edo. Baina lana. Eta ardura. Eta kudeaketa. Eta emaitza eta harreman onak. Eta hori, oso garrantzitsua izaten da. Egunotan #ZientziaAstea kontuetan nabil Gasteizen. Asko ikasten ari naiz, belaunaldi berriekin batez ere. @upvehu https://t.co/aLjdw3L5V2 pic.twitter.com/njqBwfc9OX — gaztelumendi ???? (@iPatxi) November 6, 2021 Geldiezina gaur Bibat Museoan hainbat arkeologo gazte eta gure Jon Kepa, eureka! Hau da #zientziaastea2021???????????@ipatxi eskerrik asko argazkiengatik! pic.twitter.com/ljXYSkUgKC — EHU Ikerketa Zabalik (@IkerketaZabalik) November 7, 2021 Durangoko azokan Hitzordu garrantzitsua neukan azoka egunetarako. Aurretik zerbait hitz eginda neukan, eskaintza bat izan nuen, serio hartzekoa. Bazkaltzeko eta hitz egiteko geratu ohi gara horrelakoetan euskaldunak. Azoka egunetan urtero egoten naiz Durangon Susa argitaletxearekin lanean, 25 urte baino gehiago izango dira. Eta networking sare emankorra da dudarik gabe. Aurten ere. Eta bateko eta bestekoagaz berbetan, huntaz eta hartaz aritzeko lekua izaten da gure merkatua. Eta nik agendan, gorriz neukan egun bat baino gehiago ere. Abenduak 6 zuen egutegian. Konstituzioaren eguna. Gogotsu eta umoretsu altxatu nintzen Abadiñoko Murueta baserrian. Eta serio jarduteko tenorea zela neritzon orduan. Ba nik, gaur ere ez dut lanik egingo. — gaztelumendi ???? (@iPatxi) December 6, 2021 Arratsalde iluntzean, baten batek txioa ahotsez bergogoratu zidan. Serio zebilen. Ohartua zen. Azkarra da. Harratu zuen, ez_ironia. Baina nik hitzordu garrantzitsua nuen. Eta bazkaritarako lekua lotu beharra neukan. Egin nituen pare bat dei, eta normalean baino jende gehiago ibili da azoka inguruko herrietako jatetxeetan. -Ze poza! lekuak okupatuta egotea eta jendeak jatetxeetarako gogoa izatea. Garaiko herriko tabernako jatetxera deitu nuen, eta zenbakia markatzean telefonoak gogorarazi zidan duela bi urte ere egun berean deitu nuela -eta ze ondo bazkaldu genuen orduan! Hertzainak taldekoei elkarrizketa egin ostean joan nintzela gogoan dut, pozik- . Handik egun batzuetara publikatu zen GARA egunkarian elkarrizketa. Eta orduan hitz egindakoak, eta arraina ze gozo zegoen . [ELKARRIZKETA] Josu Zabala eta Gari: «Hertzainak jaio, jaio ziren, eta oraindik ez dira erabat bukatu» https://t.co/ScZkCYsY3l @iPatxi pic.twitter.com/JAka824g45 — naiz: (@naiz_info) December 11, 2019 Tira, kontua da 2021eko abenduaren 6an bazkari garrantzitsua neukala. Eskaintza bat. Baiezko bat. Adostasun bat. Bide berri bat. Urte berriarekin lanean hasteko konpromezua. Ilusioa. Asmo berriak Eta urtarrilarekin, bide berriei heldu. Konpromezuz. Eta dagoeneko Bilboko Euskararen etxean instalatu naiz. Mundura begira Bilboko itsasadarretik. Hizkuntzaren inguruan, sarean. mintzanet.net proiektua kudeatzen, lagun berriekin. Asmo berritzailez gainezka. Eta lantokira lehen batzarrak egiten etorri, eta Uruguaiko bi euskaldun ezagutu ditut, Euskararen etxetik abiatu eta Jalgi hadi mundura! izeneko sarean ere murgildu naiz, mintzanet-eko erabiltzaileek elkartzeko osatu duten nazioarteko ekimenean. Eta poza dario nire berba eta izateari. Bilbon euskaraz. Munduari. Sarean. Iraultza digitalean murgilduta. Gaur. Hemen. Orain. Gogotsu. Etxe honetan eman didate aterpeeta aurrerantzean hortik arituko naizmundura, euskaldunmunduan #euskarazhttps://t.co/Xjb6pi4o1i | jalgi hadi mundurat! @euskararenetxea | @mintzanet pic.twitter.com/sKomKL8Qh0 — gaztelumendi ???? (@iPatxi) January 11, 2022 Euskal Herriko hamaika txokotatik ari dira #Mintzanet egitasmoko erabiltzaileak #euskara praktikatzen. Mapa eguneratu dugu, emaiozue begirada bat ????????? https://t.co/OOFF2Kwk2V pic.twitter.com/6JTK0e5Ajg — mintzanet (@mintzanet) January 7, 2022  gaztelumendi.eus 2022/01/14 - 00:00:00

Sauréren 2021eko beste komikiak

Lehenago berri eman genuen "Mihisetik komikira"z gain, aurten beste lau komiki atera ditu argitaletxe arabarrak, berriak edo lehenago digitalean agertutakoak: "Bizitzaren benetako funtsa", "Zaporeen abentura", "Lurraren semea" eta "Newton eta etorkizunerako bidaia: klonak vs robotak"  e-gorblog 2022/01/10 - 00:00:00

CEAR Euskadi, Gehitu, Mugen Gainetik eta Cáritas Bizkaia elkarteen komikiak

"Alde egin edo hil", "Beste aldetik" eta "Konexio irekia" atera dituzte  e-gorblog 2021/12/29 - 00:00:00

"Jacob, gaueko langilea", Txalapartaren aurtengo komikia

Alexandre Jacob aberatsen desjabetzaile anarkistaren bizitza kontatzen da komiki aparta honetan  e-gorblog 2021/12/22 - 00:00:00

Jazinto Rivas "Elgeta" trikitixaren maisuaren bizitza komikiratu dute Ikastolen Elkarteak eta Trikitixa Elkarteak elkarlanean

Koldo Izagirrek egin du "Sasi artean Elgeta"ren gidoia, Dani Fanok marrazkiak eta Ekaitz Agirre "Garluk"ek koloreak  e-gorblog 2021/12/05 - 00:00:00

Dortokaren promesa 2

Stéphane Piatzszek eta Tiekoren sailaren bigarrena dakarkigu Harriet argitaletxeak  e-gorblog 2021/12/04 - 00:00:00

Nabigatu euskaraz