Kirola
Kirol jardunarekin zerikusia dutenak, profesionala eta amateurra
Denak berdin jarraitzen duelako . Iaz txapeldunorde izan arren, Abel Barriolak ez du presio
berezirik sumatzen aurtengo buruz burukoan
Iaz txapeldunorde izan arren, Abel Barriolak ez du presio berezirik sumatzen aurtengo buruz burukoan Iruñea Denak berdin jarraitzen du Abel Barriolaren bizitzan. Bai, behintzat, kirol bizitzan. Urtaroak joan eta etorri, gorabehera gutxi. Arrakasta, kontratu berria, sasoi ona, bolada gozoa... Aspaldiko partez pilotaren alde eztia dastatu arren, harengan denak antzera jarraitzen du; eskema mental berak dira, baita helburuak eta presioa ere. Berak hala dio, sinesten zaila den arren. «Pilotari profesionalak beti du presioa; nik berdin sumatzen dut, txapelketari behetik ekin edo final-laurdenetan hasita». Txapeldunordeak etzi jokatuko du Patxi Ruizen aurka, eta atzo masajistarengana joan zen, Bixente Lazkanorekin konfesatzera. «Igurtziak izugarri nabaritzen dira», onartu zuen Barriolak, «batez ere giharrei egurra eman diezunean». Masajistari bisita egitea ohitura ia sakratua da buruz buruko partiden aurretik. Pilotariak buru-belarri prestatu du txapelketa; manomanista kutuna du, eta gustura dago eginikoarekin. «Hasi aurretik ere txapelketa hau da gogorrena. Eskuak ere bertan mintzen dira gehien, baita giharrak ere. Prestaketa zehatzena behar du, eta ariketa gogorrenak». Leitzarrak Iosu Irigoinenen aginduetara egin du prestaketa, Iruñeko Larrabide estadioan. ... Kirola berria.info. 2008/05/08 - 23:17:03
Nazabal eta Lopez aurrez aurre Urrezko aizkolarien final-laurdenetan
Bilbo Floren Nazabalek eta Juanjo Lopez Azpilikuetak norgehiagoka jokatuko dute etzi Urduñako Foru plazan (Bizkaia). Urrezko Aizkolarien Buruz Buruko Txapelketako saio hori eguerdiko 12:30etan hasiko da. Final-laurdenetan bi multzotan banatu dituzte aizkolariak, eta multzo bakoitzean denek denen aurka aritu beharko dute. Nazabalek eta Lopezek jokatu behar duten ligaxkako jardunaldi hori A multzoari dagokio. Bi aizkolari nafarrekin batera Anjel Arrospide dago multzo horretan. B multzoan ere jardunaldi bakarra jokatu da oraingoz, Larretxea eta Olasagastiren artekoa. Arantzako aizkolariak lortu zuen garaipena. Multzo horretako hirugarren aizkolaria Xabier Orbegozo Arria V .a da. Bi aizkolariek ongi ezagutzen dituzte aurkariaren dohainak, iaz elkarrekin aritu baitziren Urrezko aizkolarien Binakako Txapelketan. Gainera, txapel hori jantzi zuten. Bestalde, Euskadiko txapelketan Nazabalek irabazi zuen, eta Lopez hirugarren izan zen. ... Kirola berria.info. 2008/05/08 - 23:17:03
Lur gaineko sokatira prest. Euskadiko Txapelketa etzi hasiko da Erandion eta 680 kiloko
lehiak beteko ditu lehen hiru jardunaldiak
Euskadiko Txapelketa etzi hasiko da Erandion eta 680 kiloko lehiak beteko ditu lehen hiru jardunaldiak Bilbo Euskadiko 8x8 Lur Gaineko Sokatira Txapelketa etzi jarriko da abian, 680 kiloko lehen jardunaldiarekin. Saio hori Erandio Goikoan jokatuko da (Bizkaia), eguerdiko 12:00etatik aurrera. Aurtengo Txapelketak berritasun ugari ditu. Bost talde ariko dira lehian, iaz baino bat gehiago. Areso (Areso, Nafarroa), Gaztedi (Laukiz, Bizkaia), Goiherri (Goiherri-Erandio, Bizkaia) eta Mutriku (Mutriku, Gipuzkoa) aritu ziren iazko txapelketan eta horiei batuko zaie aurtengoan Getxo (Getxo, Bizkaia). Etzi hasi eta uztailaren bukaera aldera arte luzatuko den txapelketak beste bi aldaketa izango ditu. Batetik, 560 kiloko pisua kendu egin da eta haren ordez 580 kilokoa jarri. 560 kilokoa zortziko gutxien izaten zuen pisua zen. Iaz hiru talde aritu ziren 560 kilotan: Areso, Gaztedi eta Goiherri. Aurten Aresok pisu horretarako zortzikoa osatzeko zailtasunak zituela jakinarazi zuen, eta taldeek pisu horren ordez 580 kilokoan lehiatzea adostu zuten. Atzerriko taldeek antolatzen dituzten torneo edo openetan ere joera bera dago azken urteetan. Bestalde, saioen ordutegia aldatu egin da. Horrela, larunbateko tiraldiak arratsaldeko 18:00etan hasiko dira eta ez 17:00etan orain arte bezala. eta igandekoak eguerdiko 12:00etan, 11:00etan izan ordez. ... Kirola berria.info. 2008/05/08 - 23:17:03
SAILKAPENAK*
saILKaPenaK* LEHEN MAILA 36. JARDUNALDIA Herenegun Emaitza Betis-Valladolid 1-1 Getafe-Almeria 4-2 Recreativo-Vila-real 0-2 Deportivo-Levante 1-0 Valentzia-Zaragoza 1-0 Mallorca-Osasuna 2-1 Murtzia-Athletic 1-2 Racing-Sevilla 0-3 Real Madril-Bartzelona 4-1 Atzo Espanyol-Atletico Madril - Puntuak J I B G 1. Real Madril 81 36 26 3 7 2. Vila-real 71 36 22 5 9 3. Bartzelona 64 36 18 10 8 4. At. Madril 58 35 17 7 11 5. Sevilla 58 36 18 4 14 6. Racing 56 36 16 8 12 7. Mallorca 53 36 13 14 9 8. Deportivo 52 36 15 7 14 9. Athletic 49 36 13 10 13 10. Almeria 49 36 13 10 13 11. Espanyol 48 35 13 9 13 12. Betis 46 36 12 10 14 13. Valentzia 45 36 13 6 17 14. Getafe 45 36 12 9 15 ... Kirola berria.info. 2008/05/08 - 23:17:03
Olinpiar zuzia lehen aldiz igo dute Everest mendira
OLINPISMOA Historian lehen aldiz, Olinpiar zuzia munduko teilatura iritsi da, hau da, Everest mendiaren gailurrera. 8.850 metro garai da mendia, eta Ci Ren Wang Mu tibetarra izan zen sua gailurrera eraman zuena. Igoera, lekukoen arabera, «zaila eta hunkigarria» izan zen, eta hainbat mendizale negarrez hasi ziren gailurrean. Kirola berria.info. 2008/05/08 - 23:17:03
Azken aukera, sekretupean. Miarritzek Clermont liderraren aurka jokatuko du gaur, izan
duen aste nahasia baretzeko asmoz
Miarritzek Clermont liderraren aurka jokatuko du gaur, izan duen aste nahasia baretzeko asmoz Baiona Miarritzek aste nahasia bizi du. Oso nahasia. Joan zen astean Perpinyaren aurka galdu ondoren, Top 14ko finalerdiak jokatzeko aukera oso gutxi ditu. Katalanak zortzi puntura dituzte, Top 14ko fase erregularra bukatzeko sei partida bakarrik gelditzen direlarik. Baina, porrotaz gain, Patrice Lagisquetek hartutako erabakiak ere hautsak dezente harrotu ditu. Entrenatzaile miarriztarrak aspalditik nabari bazuen ere nekatuta zegoela, larunbatean hedabideen aitzinean egindako adierazpenek harridura eragin zuten taldean. Izan ere, jokalariak eta zuzendaritza abisatu gabe hartu zuen larunbatean Lagisquetek taldea uzteko erabakia. Biharamunean, jokalariak harrituta zeuden: «Albistearen berri egunkaria irakurtzean izan dut», zioen Jerome Thion Miarritzeko kapitainak. Marcel Martin Miarritzeko presidenteak hura ere ez zegoela jakinaren gainean adierazi zuen astelehenean: «Ez nintzen abisatua izan. Harekin hitz egin nahi dut partidaren etsipenak hitz horiek ukatera bultzatu duen ikusteko, edo sakon pentsatutako erabakia den jakiteko». ... Kirola berria.info. 2008/05/08 - 23:17:03
Igandean, hil edo bizi. Igandean galduz gero, maila gal dezake Osasunak, baina irabaziz
gero, mailari euts diezaioke
Igandean galduz gero, maila gal dezake Osasunak, baina irabaziz gero, mailari euts diezaioke Iruñea Ono Estadin eskura izan zuen berdinketa Osasunak, eta partidako azken minutuan Mallorcak garaipenaren gola sartu izan ez balu, jaitsiera postuetatik kanpo egongo zen Iruñeko taldea. Hargatik, gorritxoen zorigaitzak amaierarik ez duela dirudi, eta behean jarraitzen dute. Dena dela, Recreativok eta Zaragozak galdu egin zuten, zorionez, eta Valladolidek ere hiru puntura jarraitzen du. Gorritxoek azken bi hilabeteetan zorigaiztoko egoera guztiak pasatu eta gero, maila galtzeko hautagai nagusiak direla dirudi, baina beste interpretazio bat ere egin daiteke: hain zorte txarra izan ostean, azken jardunaldia jokatu aurretik maila ziurta dezake Osasunak oraindik, eta hori ez da gutxi. Igandean etxean Murtziaren aurka jokatu beharreko partida, bai, benetako finala da. Galduz gero, Bigarren Mailan egon daiteke Osasuna, baina Javier Clementek zuzendutako taldea mendean hartuz gero, matematikoki mailari eustea ere gerta daiteke. ... Kirola berria.info. 2008/05/08 - 23:17:03
Burua goian, baina oinak lurrean. Lehen denboraldia du Markel Roblesek Bigarren Mailan.
Asko kosta zaio erritmoa hartzea, baina, «erotu gabe», aukera izan duenean, maila txukunean
aritu da.
Lehen denboraldia du Markel Roblesek Bigarren Mailan. Asko kosta zaio erritmoa hartzea, baina, «erotu gabe», aukera izan duenean, maila txukunean aritu da. Donostia Umiltasunarekin heldu naiz heldu naizen tokira, eguneroko lanarekin, sakrifizioarekin, eta orain Eibarrera iritsi naizelako ez ditut aldatuko ezaugarri horiek». Markel Robles (Lekeitio, Bizkaia, 1979) lehen aldiz ari da Bigarren Mailan jokatzen. Joan den ekainean oin bat Ecijan zeukan. «Aurrekontratua sinatuta neukan. Oso eskaintza ona egin zidaten, hiru urtekoa». Baina, «badaezpada», Real Union edo Eibar, bietako bat Bigarren Mailara igotzen bazen haiekin hitz egiteko aukera izango zuela adostu zuen. «Ez nekien Eibarrek interesik izango zuen, baina...». Atea irekita utzi zuen. «Eta Eibarrek igo eta hurrengo astean deitu zidan». Ez zuen zalantza izpirik izan. Bi urterako kontratua sinatu zuen. «Eta ez naiz damutzen. Gustura nago Eibarren». ... Kirola berria.info. 2008/05/08 - 23:17:03
Presio gutxiko partida. Sailkapeneko seigarren postuari eutsi nahi dio Iurbentia Bilbo
Basketek Bartzelonaren aurka gaur
Sailkapeneko seigarren postuari eutsi nahi dio Iurbentia Bilbo Basketek Bartzelonaren aurka gaur Donostia Iurbentia Bilbo Basketek behar bezala amaitu nahi du liga erregularra gaur Bartzelonaren aurka jokatuko duen partidan, eta denboraldi osoan irabazitakoari eutsi nahi dio, hau da, seigarren pos-tuari. Horrez gain, ACB ligan defentsarik onena eta errebote- rik onena daukan taldea izaten jarraitu nahi du. Lau aldiz iraba- zi dio jada Iurbentiak Bartzelo-nari, horietako bi Bizkaia Are-nan. Gainera, gaurko partida titulurako kanporaketetako final-laurdenen entsegu moduko bat izan daiteke. Ziurrenik, kanporaketa horietan Iurbentia eta Bartzelona elkarren aurka ariko dira. Hori ez gertatzeko, galdu egin beharko luke gaur Bilbo Basketek, eta Akasvayu Gironak Fuenlabradari irabazi beharko lioke. ... Kirola berria.info. 2008/05/08 - 23:17:03
De Haes nagusi Dunkerqueko hirugarren etapan
TXIRRINDULARITZA Kenny De Haes belgiarrak (Vlaanderen), Dunkerqueko Lau Egunetako hirugarren etapa irabazi zuen atzo. Cofidis taldeko Stephane Auge frantziarra, berriz, lider da oraindik ere. Gaur korrituko da azken etapa, 193 kilometrokoa. Kirola berria.info. 2008/05/08 - 23:17:03
Harri zulatzaileen X. Ligako lehen jardunaldia bihar jokatuko da, Zierbenan
Bilbo Euskal Herriko Harri zulatzaileen Ligak hamar urte betetzen ditu aurten eta bihar hasiko da denboraldi berria, Zierbenako hondartzan (Bizkaia), arratsaldeko 18:30ean. Bederatzi talde ariko dira lehian, iaz baino bat gutxiago, Galdamesek zazpi urteren buruan ez parte hartzea erabaki baitu. Aldai Alde (Trapagaran), Burdin Gazteak (Ortuella), Errekatxo (Barakaldo), Gallarta (Abanto-Zierbena), Jai Zubia (Hondarribia), Kabiezes (Santurtzi), Arboleda (Trapagaran), Txorierri (Zamudio) eta Trapagaran (Trapagaran) dira parte hartuko duten bederatzi taldeak. Jai Zubia izan da azken hiru urteetako txapelduna eta hondarribitarrek edukiko dute txapela berritzeko erronka. Taldea 2006. urtean sortu zuten eta orduan jantzi zuen lehen txapela. Arboledak, Gallartak eta Trapagaranek ere irabaztea zer den badakite. ... Kirola berria.info. 2008/05/08 - 23:17:03
Larrea eta Elustondo, Aranburu eta Garitanoren ordez
REALA Realak Cadizen aurka jokatuko duen partidarako aldaketa pare bat probatu zuen atzoko entrenamenduan Juanma Lillok. Aranburu min hartuta dago, eta Garitano, berriz, zigortuta. Bi horien ordez Larreak eta Elustondok joka dezakete Cadizen aurka. Kirola berria.info. 2008/05/08 - 23:17:03
Lakersek irabazten jarraitzen du, eta Orlando suspertu da
SASKIBALOIA NBA titulurako kanporaketetan, Los Angeles Lakersek 120-110 irabazi zion atzo Utahri, eta 2-0 da aurretik Mendebaldeko finalerdietan. Bestalde, Orlandok ere 111-86 irabazi zion Detroiti, eta bana berdindu du kanporaketa Ekialdean. Kirola berria.info. 2008/05/08 - 23:17:03
Kovalaineni Turkiako Sari Nagusia korritzen utzi diote
1 FORMULA Duela hamar egun Bartzelona Montmelo zirkuituan jokatu zen Espainiako Sari Nagusian istripua eduki zuen Heikki Kovalaineni (McLaren-Mercedes) Turkiako Sari Nagusian korritzeko baimena eman zioten atzo, mediku azterketa bat pasa ostean. Montmelon 21. itzuliko bederatzigarren biran pneumatikoen kontra joan zen Kovalainen. Kirola berria.info. 2008/05/08 - 23:17:03
François Sterchele aurrelari belgikarra hil da auto istripuan
BELGIKAKO LIGA François Sterchele aurrelari belgikarra auto istripuan hil zen atzo goizaldean, Belgikako mendebaldean. 2006-2007ko denboraldian Lehen Mailako golegilerik onena izan zen 24 golekin, eta denboraldi honetan 11 gol sartu zituen. 26 urte zituen. Kirola berria.info. 2008/05/08 - 23:17:03
Coromina eta Gaspar hamaikakora itzul daitezke igandean
ALAVES Alavesek igandean Albaceteren aurka daukan partida garrantzitsurako David Coromina eta Gaspar Galvez itzul daitezke hamaikakora. Bigarren Mailari eusteko lehian partida benetan garrantzitsua da igandekoa. Kirola berria.info. 2008/05/08 - 23:17:03
Tauk ez du ezer jokoan gaur Granadaren aurka
Gasteiz Fase erregularreko azkeneko partida jokatuko dute gaur, Granadan, C.B. Granadak eta Tau Baskoniak. Gasteiztarrentzat Lauko Finalaren osteko lehenengo partida izango da, eta, hortaz, porrotaren ostean taldea nola dagoen ikusteko aukera izango dute Andaluzian. Spahijaren jokalariek Madrilgo arantza kendu nahiko dute, eta, egia esan, hori baino ez dute jokoan jarriko. Izan ere, arabarrek sailkapeneko laugarren postua poltsikoratua dute dagoeneko. Aurrean izango duten taldea, aldiz, amorrazio guztiarekin kantxaratuko da, mailaz jaisteko arriskua baitu Sergio Valdeolmillosek prestaturiko taldeak. Andaluziarrek, mailari eutsi nahi badiote, gaurko partida irabazi beharko dute, eta, gainera, Estudiantesek, Valladolidek eta Vive Menorcak egiten dutenaren zain egon beharko dute. Ez dute batere lan erraza, baina ez daude amore emateko prest. Bide horretan, klubak nabarmen jaitsi ditu pabiloira sartzeko sarreren prezioak, eta %50ean beheratu ditu taldearen dendan salgai jarritako produktuak. Horrela, ACBn beste urte... Kirola berria.info. 2008/05/08 - 23:17:03
HARMAILETATIK BEGIRA. Futboleko ipuinak
Harmailetatik begira Txano Gorritxu Zigandak esan berri du Osasuna basoan sartuta dagoela, eta bertatik ateratzeko argia edo bidea aurkituko dutela. Hitzok entzun orduko, ipuin ezagun bat etorri zitzaidan gogora. Txano Gorritxu. Osasunaren ibilia ederki islatzen duen ipuina. Demagun Ziganda dela ipuineko protagonista. Ligaren hasieran, bederatzi hilabeteko txapelketari taxuz aurre egiteko, otarra ederki bete zioten. Jakiekin izan ordez, jokalari berriekin. Halaxe ekin zion bideari Zigandak. Txano Gorritxu bezala, irribarrez eta kantari. Zeharkatu zituen herriak, zeharkatu mendiak. Zailtasun askorekin eta erraztasunarekin. Helmugara batere arazorik gabe helduko zela ematen zuen, baina, bat-batean, baso ilunean sartu zen. Azken txanpan. Galdu egin zen. Hori gutxi ez, eta hamaika otso azaldu zitzaizkion bidera. Epaileak. Denek nahi zuten Ziganda helmugara ez heltzea. Otso bati aurre egin, eta beste bat azaldu. Basoan ilunpean. Galduta eta etsaiak nonahi. Zailtasun gehiegi. Helmuga, bertan bezain urrun. Txano Gorritxu onik ateratzen da ipuinean... Kirola berria.info. 2008/05/08 - 23:17:03
David Acaz 'Txiki'-k urtebeterako berritu du kontratua
EIBAR David Acaz Txiki -ri aurten bukatzen zitzaion urtebeteko kontratua Eibarren, baina beste urtebetez egongo da Gipuzkoako taldean iruindarra, atzo jakinarazi zutenez. 32 urteko atzelaria iaz iritsi zen Eibarrera Las Palmasetik, eta beste urtebete emango du Manix Mandiolaren taldean. Kirola berria.info. 2008/05/08 - 23:17:03
Mikel Goñik urteko bigarren partida jokatuko du gaur
ESKU-HUSKA Aspek bi jaialdi antolatuko ditu Bergarako Mendekoste jaietan. Aurrenekoa gaur izango da, eta bigarrena astelehenean. Gaur, Mikel Goñik bigarren partida jokatuko du jaialdietara itzuli zenetik, Urberuagarekin, Galarza V.aren eta Arizmendiren kontra. Estelarrean, berriz, Titinek eta Eulatek Xala eta Lasa III.arekin neurtuko dituzte indarrak. Kirola berria.info. 2008/05/08 - 23:17:03
