Euskara
2010eko Gasteizko urre dominak
Urtero egiten den moduan aurten ere, eta Andre Mari Zuriaren egunean, abuztuaren 5ean, Gasteizko Udalak hiriko urre dominak Zulueta jauregiko lorategian banatu zituen. Aurtengo sarituak Artean ospe handiko izan ditugun Chillida eta Peña Gantxegi izan dira. Eduardo Chillida Juantegi eskultorea eta Luis Pedro Peña Gantxegi arkitektoa gizon ospetsu izan zitzaizkigun bizi ziren bitartean eta gero ere bai, haien obrek gurekin baitiraute beren materialitate gogorrean eta beraien espiritualitate bigunean. Plazaberri - Euskaltzaindia 2010/09/02 - 18:31:02
Reala eta 'Euskararekin bat': hausnarketarako kontu batzuk
Futbol liga hasi den honetan, eta Realaren elastiko txuri-urdin berrian nonahi ikusten hasi garen honetan, komeni da Realarekin eta euskararekin lotura duen gai bat gogora ekartzea: Gipuzkoako Foru Aldundiak 1.200.000 euro eman(go) dizkio Realari elastikoetan Euskararekin bat leloa eramateagatik eta euskararen aldeko neurri batzuk hartzeagatik (tartean, euskara plana abian jartzea). Erabili.com - Iritzi-muinetik 2010/09/02 - 09:10:04
Abuztua eta iraila: hiru kandela
Garaigoikoa 2010/09/01 - 21:28:04
Todo listo para el nuevo curso
A continuación disponen de toda la oferta disponible en la red de euskaltegis de cara al nuevo curso. Udal euskaltegiak. Albisteak 2010/09/01 - 11:18:02
Ikasturte berria prest
Udal euskaletegien sareak gertu dauka dagoeneko ikasturte berrirako eskaintza. Jarraian dituzue xehetasun guztiak, euskaltegiz euskaltegi. Udal euskaltegiak. Albisteak 2010/09/01 - 11:18:02
Arabako Iruñan ondarea suntsitzen ari dira: Lorena Lopez de Lacalle, Julio Nuñez, Xabier
Agirre eta Iñaki Goirizelaia dimititu!
Arabako Iruñaz asko idatzi da, eta jendeak informazio gehiago edo gutxiago izan dezake baina, gai honek, euskal kulturaren miseria guztiak agerian utzi ditu. Azkena, gure begien aurrean ikusi dugun ondare arkeologiko handienetakoaren suntsipena, egun batean, eskabadora batek 1.700 urteko historia ezabatu duelarik. Erabili.com - Iritzi-muinetik 2010/09/01 - 09:58:04
Ahoz gozatu, irailaren 19an
Ostalaritzan euskararen erabilera bultzatzeko, Txorierriko Mankomunitateak kanpaina berri bat jarriko du martxan Txorierriko herrietan, “ AhoZgozatu ” lemapean. Kanpaina hau irailaren 19an (igandea) 12:30etik 15:00retara burutuko da, eta ordutegi horretan, parte hartuko duten tabernetan, ohikoa baino merkeagoak izango diren pintxoak egongo dira salgai. Txorierritarrek, bada, pintxoak euskaraz eskatu eta gozatu baino ez dute egin beharko, eta euskaraz eskatzeagatik pintxo goxo-goxoak merkeago izango dituzte.Gainera,pintxoari eusten dion zotzean osagaiak zeintzuk diren azaltzen duen txartela egongo da atxikia, dena euskara hutsean. Nahi duenak pintxo onenaren saria erabakitzen ere lagundu ahal izango digu, tabernetan edonoren eskura egongo diren txarteltxoetan pintxorik gustokoena markatuz, eta hau egiteagatik partehartzaile guztiak sari baterako zozketan sartuko dira. Kanpainari amaiera emateko, abenduan, Euskararen Eguneko egitarauaren barruan, Txorierriko pintxo onenaren saria banatuko da, herri bakoitzean irabazle suertatu den tabernen arteko final handian. Hauexek dira herri bakoitzean parte hartuko duten tabernen izenak: Derion ---) Adarve taberna, Derioko Batzokia, Amaiketako taberna, Mendia taberna, Rockefeler taberna, Txoria Herriko Taberna eta Udondo Irish Tavern. Larrabetzun ---) Larrabetzuko batzokia. Lezaman ---) Lejarrene jatetxea eta Oxangoiti Herriko Taberna. Loiun ---)Gure Etxea Jubilatuen Etxea, Loiu Hotela eta Loiuko Batzokia. Sondikan ---) Egarri taberna, Sondikako Batzokia eta Tindaya taberna. Zamudion ---) Ama3 taberna eta Errota jatetxea. Beraz irailaren 19an , pintxoa euskaraz eskatu eta … . Ahozgozatu!! Tximintx elkartearen bloga 2010/08/30 - 10:27:03
Izarren bila Txorierrin
Izarren bila dabiltza Txorierrin, Izarren distira izeneko galarentzat. Aukera polita, ezta? Talentu handiko 12-18 urte bitarteko txorierritarrak behar ditugu! Kasting-ean parte hartu eta sari potoloak irabazteko prest? KASTING-AK : urriaren 14an eta 15ean IZENA EMATEKO AZKEN EGUNA: urriaren 8a IZENA EMATEKO BALDINTZAK: hemen GALA: urriaren 30ean, 19:00etan, Sondikako Kultur Etxean. Sarrera dohainik - AURKEZLEA: NEREA ALIAS Tximintx elkartearen bloga 2010/08/30 - 09:38:05
Asko gara, gutxi gara
Gasteizko udalak bere webgunean jarrita duen EUSKARA BIZIBERRITZEKO PLAN NAGUSIA GASTEIZ 2010-2012 dokumentuan kuxkuxeatu dugu eta atentzioa eman diguten datu batzuk kopiatu nahi ditugu (datuak 2009koak dira), ondorioetan-eta sartu gabe. Esan dezagun, soil-soilik, botila erdi-betea edo erdi-hustua egotea baino kezkagarriagoa iruditzen zaigula botilako uraren kalitatea. Hortik aurrera, norberak ikusiko du... Oro har Gasteizen erdaldun elebakarrak %57 dira; elebidun hartzaileak %18, eta euskaldunak %25. Gazteak (>25 urte) Erdiak euskaldunak dira. Euskaldunak gehi elebidun hartzaileak %78 (hamarretik zortzi). Erabilera etxean Euskaraz %1,9. Euskaraz eta gaztelaniaz %3,6. 15 urteko bilakaera (1991-2006): %3,6 1991n, %5,5 2006an. Euskaldun berrien %90ek familian gaztelania erabiltzen dute nagusiki. Familia bidezko transmisioa Euskara etxean jaso dutenak (euskara bakarrik gehi euskara eta gaztelania) %6,2. Azken bost urteetako bilakaera: %5,3tik %6,2ra. Kaleko erabilera 1989an %2; 2006an %4. Haurrik ondoan ez dagoenean, helduen erabilera %2,6. Haurrak bakarrik daudenean, haien arteko erabilera %0,8. Dendak Denda txikietan langileen %28k euskara ulertzen dute. Erabilera bezeroekin %5,2. Comments Tiraka 2010/08/24 - 13:26:03
Erromantzeen bila. D. Catalánen "El archivo del Romancero" sarean
Uztailaren hasieratik Romancero de la Cuesta del Zarzal blogean Diego Catalán zenaren El archivo del Romancero, patrimonio de la humanidad. Historia documentada de un siglo de historia lan liluragarria argiaratzen ari da, zatika.Lana liburu gisa kaleratu zen 2001ean, bi liburukitan, Ramón Menéndez Pidal Fundazioak argitaratua. Liburuan kontatzen da zein lan egin zuten Menéndez Pidal eta Maria Goyri senar-emazteek Espainian zehar, eta Espainiatik kanpo ere, erromantzeak jasotzen eta aztertzen. Halaber, Menéndez Pidal familiaren ukitu biografiko ezin interesgarriagoak eskaini zizkigun Diego Catalánek, dokumentazio aberatsa erabiliz. Interes berezia dute blogean erantsi diren garai hartako argazkiek eta agiriek.Diego Catalán filologo bikaina Ramón Menéndez Pidal hispanistaren biloba izan zen, baita honen izena daraman Fundazioaren buru ere, 2008an hil arte.Dagoeneko liburuaren aurkezpena eta hamazazpi kapitulu argitaratu dira. Hamaikagarren kapituluak Menéndez Pidalek 1921ean Gernikako neska batzuei bildu zizkien kantuen berri ematen du.Uda honetako irakurgai gomendagarria filologiaz eta herri literaturaz interesa duen ororentzat.Lotutako sarrera:Menéndez Pidalen etxea arrisku handianR. Menéndez Pidal eta M. Goyri eztei-bidaian, Cid-en ibilbidea eginez[cc-by-nc-nd - Romancero de la Cuesta del Zarzal] FiloBlogia 2010/08/21 - 17:04:05
Etorri udazkenean
(Ramon Agirre aktorearen gutuna, Garan eta berrian argitaratua) Albert Bartzelonakoa da . Maiz etortzen da Donostiara. Urte sasoi bakoitzeko honako eskapadatxo bat egiten ahalegintzen da. Gustuko du kaleetan zehar ibiltzea eta donostiar gehienok baino arinago erreparatzen die hirian gertatzen diren aldaketa urbanistikoei. Arkitektoa izaki, gorantz begiratzeko ohitura du. Gaur Antzoki Zaharraren aurretik pasa denean , atari gainean ipini duten panel zabalak eman dio atentzioa. Aktoreen aurpegiz osatutako panel deigarria da. «Ez dago zure argazkirik!», bota dit harridurazko keinua eginez. Uda honetan Antzoki Zaharretik pasatuko diren aktoreen argazkiak direla esplikatu diot. «¿Denak espainolak edo badira euskaldunak ere?», galdetu dit. «Ezta bat ere», esan diot. Alberten arestiko keinu antzeztua benetako harridura da orain. «Udan, antzerki gehien dagoen eta ikusle gehien joaten den sasoian, euskaraz bat bera ere ez?». Udan, Donostian ez da euskal antzerkirik. «Collons!», atera zaio. «Eta normala al da hori...? Udako ikusleen artean euskaldunak ere izango dira, ala?» Baietz nik, asko. «Eta noiz edo noiz euskarazko antzerkia ere ikusi nahi izango dute...». Bada, udazkenaren zain egon beharko dute. «Eta Udalekoei normala iruditzen al zaie?». Udako antzerki denboraldia aurkeztu zutenean, ez nien kezka handirik sumatu. Programazioa ezin hobea zela esan zuten, Espainiako edozein kapital handitakoarekin alderatzeko modukoa. Igual -iguala, esango nuke nik-. « Eta jendeari normala iruditzen al zaio? ... Eta antzerkizaleei?... Eskatzen al zaie iritzirik antzerkizaleei?». Alberten jakin-mina ez da arkitektura gaietan agortzen. EHAZE (Euskal Herriko Antzerkizaleen Elkartea) zer den azaldu diot. Eta normalak ez diren hainbat kontu normaltzen lan handia egin dezakeela. Hala uste dut nik behintzat. Comments Tiraka 2010/08/20 - 14:31:03
«Coming out», hizkuntza-armairutik
Wikipediaren arabera, izenburuko esamolde horrek, ingelesez emandako zatiak alegia, pertsonen ezaugarrietara ekarriz, homosexualitatearen aitortza publikoki eta norberaren borondatez egitea esan nahi du. Borondatez ez baldin bada, ordea, dirudienez, outing esaten zaio. Nik ez nekien. Gipuzkoa Euskara 2010/08/20 - 09:23:04
Tamilera Klasikoaren Munduko Biltzarrak antzinako hizkuntzaren etorkizuneko agenda
finkatu du
Montzoiak ekainean Asiako azpikontinenteko hego konoa ukitu zuen unean, Coimbatorek bestelako itxura zeukan. Literatura, kultura eta arte jaialdi bateko doinuen erritmoan ahopeka kantatuz eta 50 herrialdetako 3.000 ordezkari izatearekin pozaren pozez zegoen Asian puntako teknologian Indiako industria indartsu gisa ezagutzen den Tamil Nadu hiria. Tamilera Klasikoaren Munduko Biltzarraren ( World Classical Tamil Conference ) egoitza bilakatu zen eta tamilerak duen bakartasun berezia aurkeztu zen. Gipuzkoa Euskara 2010/08/16 - 10:39:11
Udako aforismoa
Kontsumitzaileen hizkuntza-eskubideei buruzko lege-dekretuak eta bainurako txanoak berdinak dira. Bazoaz San Andreseko igerilekura eta irakurtzen duzu: «Txanoa erabiltzea derrigorrezkoa da». Eta denak txintxo-txintxo burua estalita. Bazoaz Mendizorrotzako igerilekura eta irakurtzen duzu: «Txanoa erabiltzea gomendatzen da», eta den-denak txanorik gabe. Comments Tiraka 2010/08/11 - 11:02:03
Jose Antonio Loidi euskarazko ikerketa bekaren 10. edizioa deitu du Irungo Udalak
Hamar urte beteko ditu aurten Irungo Udalak Jose Antonio Loidiren omenez deitzen duen ikerketa bekak. Ikerketa suspertu eta bultzatu nahi du hainbat esparrutan bekak (antropologia, filologia, toponimia, literatura, osasun publikoa, hidrologia eta botanika) eta ikerketa zientifikoa zabaldu euskaraz, Jose Antonio Loidik hainbeste maite eta sustatu zuen hizkuntzaz. Gipuzkoa Euskara 2010/08/09 - 12:33:03
"Segundorik luzeena" eta "Piknika izotzetan" iruzkinen atalean
Literatur itzulpenei buruzko iruzkinekin osatzen dugun atalean bi iruzkin gehitu ditugu. Karlos del Olmoren iruzkina : Bill S. Ballinger-en Segundorik luzeena Itzultzailea: Xabier Olarra Mikel Garmendiaren iruzkina : Andrei Kurkov-en Piknika izotzetan Itzultzailea: Olga Martínez de Marigorta Eizie 2010/08/04 - 11:49:03
Abuztuan ez da argitaratuko "Plazaberri"
Gaur, uztailaren 30ean, argitaratu dugu kurtso honetako azken berria. Abuztuan, Plazaberri ez da kaleratuko. Irailaren lehen astean itzuliko gara. Ondo izan! Plazaberri - Euskaltzaindia 2010/07/30 - 20:51:02
LU 2010: berrargitalpen-lehiaketa
Literatura Unibertsala itzulpen bildumaren lehen 100 izenburuetatik 20 aukeratu eta berrargitaratuko dira 2010. urtetik aurrera. Eizie 2010/07/30 - 14:03:05
Zipirienea kafetegian
Aikorrizketan ataleko beste ale bat, Juan Luis Goikoetxearen eskutik. Aikorretik hartua . Behingoz isilik mostradore ertzean. Txorik DEIA, Lukik GARA, astelehenetan ez da BERRIArik. Horretan, bezero piloa. -Egunon Zipiri! -Halan ekarri. -Zer hartuko dozue? Hartu danak akeita, baina bakotxak era batekoa; guztira 12 kafe mota. -Nik hutsa. -Bai! – Zipirik. -Nik ebagia. -Baita! – Zipirik. -Nik ebagi deskafainatua kafe gitxi-gitxigaz. -Baita! – Zipirik. -Nik makinako ebagi deskafeinatu epela soja esneagaz. -Baitte zera bere! “ Eta horrela doa mundua ” hamabigarrenera heldu arte. Guztiei entzuten eutsen banan banan eta patzientzia handiz gure tabernariak. Kafe-makinara bihurtzen zanean hasten zan zurrumurrua: -Hori memoria harrigarria Zipirirena! Zipirik, ostera, oroimen ona baino esperientzia eukan handia, ortozik ibiliko txakurra zan-eta. Itauntzen eban bakotxari berea atarakeran: -Hik zer eskatu deustak? -Kafea kafe gitxigaz. -Aiko hemen! -Hik neska? -Nik deskafeinatua. -Aiko hor! Kontua da Zipirik kokoteko zuloan paretan jakona ataraten ebala; bardin eutson kafe gitxigaz eskatu nahi askogaz. Bereizten eban bakarra deskafeinatua eta kafeinaduna ziran. Bezeroek ahal danik kafe motarik gehien eskatzen eutsien ernegazoteko. Jabearen eta bezeroen artean halako konplizitate maltzurra egoan, kitanuaren eta trikornioaren artean legokeena. Besterik eta bestera zan Txorigazko hartu-emona eta Lukigazkoa. Egunero entzungo zan: -Niri Zipiri kafea -Txorik. -Lukik, baina, hainbeste kafe mota eskatzen entzunik, berak be zeozer barria gura dau: -Nik Zipiri akeita ebakia ahuntzaren esneagaz Eta Zipirik eskatuak eskatu, betikoa atara deutso. -Aiko barrabana! – dino Lukik. Tximintx elkartearen bloga 2010/07/30 - 10:50:05
"El Diario Vasco" egunkariaren eta Euskaltzaindiaren arteko lankidetza-hitzarmena
El Diario Vasco egunkariak eta Euskaltzaindiak urte bateko iraupena duen lankidetza-hitzarmena sinatu dute. Hitzarmen horren ondorioz, besteren artean, El Diario Vasco egunkariak 2000. urtetik hona ekoiztu duen euskarazko testu-masa osoa Euskaltzaindiaren eskuetan jarriko du, Akademiak Lexikoaren Behatokia deritzan egitasmoa garatu dezan. Hitzarmenak bi erakundeen arteko elkarlana sustatzea du helburu, bereziki euskararen normalizazioari buruzko proiektuak gauzatzeko eta Euskaltzaindiak euskararen arloan ezarritako arauak zabaltzeko eta komunikabideen bidez egoki plazaratzeko. Plazaberri - Euskaltzaindia 2010/07/29 - 20:55:03
