FiloBlogia

(euskal) hizkuntzalaritza-filologiei eta inguruko gaiei buruzko blog bat

Doktorea izan nahi duzuenoi

Ikasturtea amaitu eta lizentziatu berriei hurrengo urteetan zer egingo duten pentsatzeko garaia iristen zaie.Ikerketa-bekak eskatzeko garaia ere bada. Hortaz, master bat egin eta, gero, doktore-tesia idazteko asmoa duzuen guztioi eskaintzen dizuet bideo hau:Animo! Gogorra da, baina oso aberasgarria ere izan daiteke!Iturria:Un nombre al azar  2010/07/08 - 22:24:05

Code-switching-i buruzko hitzaldia Baionan

Bangor-eko ESRC Centre for Research on Bilingualism laborategiko ikertzaile Carmen Parafita Couto maiatzaren erdialdean izango da, astebeterako, IKER ikerketa-gunean. Aukeraz baliaturik, aurkezpen bat egingo du IKERen. Aurkezpena maiatzaren 18an izango da, goizeko hamarretan hasita, eta bi parte izango ditu: lehen partean code-switching corpus batzuk erakutsiko ditu (hala nola galesa-ingelesa, galesa-gaztelania, ingelesa-gaztelania hizkuntza pareei dagozkienak),bigarrenean code-switching datuak lortzeko metodoez ariko da, bereziki metodo esperimentalez. Hitzaldia irekia da gaiaz interesa duen edonorentzat. Hitzaldia: "Code-switching: bridging corpus based and experimental approaches" (aukeran, "publikoak" hala nahiagoko balu, gaztelaniaz egingo luke). Noiz: maiatzaren 18an (asteartea). Zer ordutan: goizeko 10etan. Non: IKEReko dokumentazio gelan.  2010/05/10 - 19:26:05

Bi urte Henrike Knörr gabe

Gaur bete da Henrike Knörren heroitzaren bigarren urteurrena. 2008ko apirilaren 30eko egun latz hartatik askok eta askotan gogoratu dugu Henrike, omenaldi, argitalpen eta bestelako jardueren bidez.Bigarren urteurrenarekin, zenbait berri jakin ditut, Henrikeren senideek Facebook-en iragarriak. Hona:Henrike Knörren webgunea berritu dute. Eduki eta hizkuntza gehiago sartuko dituzte eta jendearen parte-hartzea ere eskatzen dute.Facebook-en Henrike Knörr Borràs orria ireki dute.Bidegileak bildumako biografia, iaz Garikoitz Knörr semeak idatzia, dagoeneko sarean dago eskuragarri (PDF, 1,36 MB).  2010/04/30 - 16:19:04

Oroigarria: Lazarragari buruzko uda ikastarorako bekak

"Lazarraga, XVI. mendeko autore berri bat" (PDF) ikastarora joateko beka apirilaren 23a baino lehen eskatu behar da.Bekaren bidez ikastaroaren matrikula edota egoitza ordaindu daiteke.Argibide gehiago:Lazarragari buruzko uda ikastaro bat  2010/04/20 - 17:38:02

Euskara-Erromantze Hizkuntzalaritza III. Jardunaldien deialdia

Euskara-Erromantze Hizkuntzalaritza III. Jardunaldiak azaroaren 23-25 bitartean izango dira Bilbon, Eusko Ikaskuntzako Hizkuntza eta Literatura Sailak antolaturik, Kultura Ondareko Zerbitzuaren hitzaldi aretoan.Jardunaldietako ildo nagusiak hauexek dira:Harremanetan dauden hizkuntzak - Soziolinguistika Dokumentu iturriak eta corpusak: edizioa eta/edo azterketa (Tipologia-fonetika, morfosintaxia, lexikoa, diskurtsoaren azterketa) Historiografia Onomastika Lexikografia Arlo horietako hizkuntzalaritza eta filologia ikerkuntzara aplikatutako metodologia eta teknologiak Komunikazio-proposamenak aurkezteko epea irekita dago. Laburpenak ekainaren 1a baino lehen bidali behar dira posta elektronikoz jardun[a bildua]eusko-ikaskuntza[puntu]org helbidera. Laburpenetan honako datu hauek adierazi behar dira:Komunikazioaren izenburua (hizki xehetan) 500 hitz inguruko laburpena, Eusko Ikaskuntzako hizkuntza ofizialetakoren batean: euskaraz, gaztelaniaz edo frantsesez. Egilearen edo egileen izen-abizenak, lanbideko edo etxeko helbidea eta helbide elektronikoa. Dagoeneko argitaratu dute jardunaldien lehen zirkularra. Interesatuak bertan aurkituko ditu argibide gehiago.Lotutako sarrera:Oihenart 23 argitaratua  2010/04/08 - 19:42:10

FiloBlogian duela urte bat, duela urte bi... eta bost!!

Duela urte bat: 2009-03-30: XIX. Hizkuntzalaritza Sortzaileko Biltzarra.2009-03-26: Axun Aierberen omenaldia.2009-03-25: Unibertsitatearen funtzioaz.2009-03-23: Iñaki Ugarteburu hil da.2009-03-18: Euskara munduko hizkuntzalaritza aldizkarietan (IV).2009-03-10: ASJU aldizkariaren ale berri bat argitaratu da. Aldizkaria laster eguneratuko da.2009-03-08: Bologna aitzakia da, ez arrazoia. Berriz Bolognako prozesuaren aitzakiapean sartu nahi dizkiguten bestelako aldaketei buruz.2009-03-07: Eduki berriak Monumenta-ren webgunean (VI).2009-03-07: Letrak bizirik!!2009-03-05: Gaurko goiza Letren Fakultatean.2009-03-04: Iruña-Veleiako euskararen azterketaz-eta.2009-03-01: Filologien arazoa eta kalkulu errazak.Duela urte bi: 2008-03-28: Puntu eta koma galzorian? Martxo honetan Anjel Lertxundik berriro ekin dio gaiari.2008-03-27: Edo Nyland, edo Euskal Unibertsoaren beste ikuspegi bat. 2008-03-26: Artikulu bat utzi dut ARTXIKER-en. Artikulua Oihenart aldizkarian argitaratu zen, iragarri nuenez.2008-03-23: Nire tesiaren berri laburra Fontes Linguae Vasconum-en. 2008-03-15: Trasken Etymological Dictionary of Basque sarean argitaratu da. 2008-03-14: Euskara munduko hizkuntzalaritza aldizkarietan (III).2008-03-08: Telletxea Idigoras historialaria hil da. 2008-03-07: Euskadiko Liburutegi Digitala: liburu gehiago, akats berberak. Azken boladan Memoria Digital Vascarekin zertxobait hobetu da, baina ez guztiz.2008-03-01: EHUn ikertzaileak eta IKERTZAILEAK daude.Duela hiru urte:2007-03-28: ISO 639-3ri proposatutako aldaketak argitaratu dira. Nazioarteko estandarretan euskara hizkuntza bakarra izan dadila eskatu genuen, baita lortu ere. 2007-03-24: Ricardo Jeckyll and Mr. Gómez. Nire nortasun izkutua Wikipediako "Idioma protovasco" sarreratik desagertu zen, "beste Ricardo bat" zela konturatu zirenean. 2007-03-23: Europeana: Europako Liburutegi Digitalaren lehen urratsak. Ematen du Europeana beste zerbait dela orain; baina badugu The European Library. 2007-03-21: ISO 639-3ko kodeak aldatzeko eskaria bidali dut. 2007-03-14: Antso Jakituna Fundazioak X. Ikerketa Lehiaketa deitu du. 2007-03-09: Burgos eta Errioxako euskarari buruzko hitzaldia Gasteizen. 2007-03-07: Bihar Deustun izango naiz. "Blogariak eta wikilankideak" mahai-inguruan parte hartu nuen. 2007-03-06: Presazkoa: euskarako lektore lanpostu bat Bartzelonako Universitat Autònoman. Duela lau urte:2006-03-28: EHUko irakasleen greba. Soldata duina eskatzen genuen, Eusko Jaurlaritzako langileenekin parekatzeko; baina, azkenean, osagarrien bideak aurrera egin zuen. 2006-03-25: "Animaliako" ikerketak. Baleen sintaxiaz eta txorien gramatika eta fonologiaz jardun nuen. 2006-03-23: euskofilia blog berria. 2006-03-17: Euskal Filologiako titulazio berriaz iraila baino lehen jakingo dugu. Azkenean Euskal Ikasketak izena eramango duen graduaren ikasketa-plana (PDF, 35 Kb) dagoeneko onartuta dago, eta 2010-2011 ikasturtean abiatuko da. 2006-03-14: Blog bat Finlandiako hezkuntza sistemaz. 2006-03-08: Izenpeen oihanean. 2006-03-07: Diccionario panhispánico de dudas osorik on-line.2006-03-05: "Morderse la lengua". Gaztelaniazko hedabideetan agertutako huts, errata eta hanka-sartze barregarriak. ...eta duela bost urte:2005-03-30: Unibertsitateko ikasleen lanak autoebaluatzeko gida bat. Mezuan aipatzen nuen gida Interneten lekuz aldatu denez, hona helbide berria: Gorkaren ikasbitakora.2005-03-29: Bonaparte Ondareko eskurizkribuen edizioa CD batean. 2005-03-11: Euskal Filologiarako irakasle bat behar da.  2010/04/05 - 18:49:02

Argitaratzear dago Humboldten euskal lanen lehen liburukia

Batzuek aspalditik espero genuen lana laster hasiko da kaleratzen; Wilhelm von Humboldt hizkuntzalari eta euskalari prusiarrak euskarari eta Euskal Herriari buruz idatzi zituen lan guztien edizioaz ari naiz.Halaxe da. Uda honetan argitaratuko da Bernhard Hurch irakasleak prestatutako edizio-lanaren lehenengo liburukia:Wilhelm von Humboldt. Schriften zur Anthropologie der Basken (Paderborn: Schöningh, 2010)Guztira hiru liburuki izango dira euskarari eta Euskal Herriari eskainiak, eta bigarren atala osatuko dute Humboldten hizkuntzalaritza lan guztien edizioa helburu duen proiektu handiaren barruan.  2010/03/21 - 00:21:04

Jauna, Joxemiel Bidador...

 2010/03/04 - 13:29:02

FiloBlogian duela urte bat, duela urte bi...

Duela urte bat: 2009-02-26: Bologna umeei kontatua.2009-02-22: Lazarragari buruzko irratsaioa. Gaizki egin omen genuen, ez baitzen gero sarean argitaratu, nik dakidala.2009-02-15: "Euskarazko Tesien I. Koldo Mitxelena Sariak" banatu dira.2009-02-10: Euskalkiak: minorizazioaren altxorrak?2009-02-07: ASJU aldizkariaren bi ale berri argitaratu dira. Laster aldizkaria eguneratuko da, urte batzuetako atzerapenaren ondoren.2009-02-03: Eduki berriak Monumenta-ren webgunean (V).Duela urte bi: 2008-02-23: La Gran Enciclopèdia Catalana sarean eta doan. 2008-02-17: Gehiago Finlandiako paradisuaz. 2008-02-11: Mundu osoko unibertsitateek sarean duten lekua. Hedabide askotan agertu denez, 2009ko rankingean UPV/EHU Europako 99. lekuan dago (munduko 273.ean). Duela hiru urte:2007-02-25: ISO 639-3: zenbat euskara daude? Ekimen baten hasiera izan zen eta hainbat laguni esker euskara hizkuntza-kode bakar batez agertzea lortu genuen. 2007-02-23: Berri gehiago Sarako eskolari buruz. Edo Sarako eskola Sarako ikastetxe bihurtu zenekoa. 2007-02-23: Fidela Bernaten heriotzaren 16. urteurrena. 2007-02-22: Nitaz ez dakizkizuen bost gauza, baina nori inporta zaio? 2007-02-22: Zientzia eta fedea. Bien arteko diferentzia irudi baten bidez ederki azaldua. 2007-02-14: Liburuak erabiltzea ez da hain zaila, ezta? Sarean asko korritu duen bideo barregarri bat sartu nuen. Handik egun batzuetara beste helbide batera aldatu zen eta ezin da blogean ikusi. Gaztelaniazko azpitituluekin ere ikus daiteke.2007-02-09: Altsasuko euskarari buruzko lanak sarean.2007-02-08: ANECAk ebaluazio-programa berri batzuk aurkeztuko ditu. Nork ebaluatzen du ANECA ebaluatzeko modua?2007-02-07: Berrikuntzak Klasikoen Gordailuan. Besteak beste, orduan sartu zuten hain erabilgarria den corpus arakatzailea.2007-02-06: Nire apunte batzuk Unibertsitatea.net-en. Hizkuntzalaritzaren historiari buruzko apunteak dira.2007-02-02: Euskera aldizkaria osorik Interneten. Mezuan erabili nituen loturek ez dute orain balio. Aldizkarira iristeko helbide berria dago.Duela lau urte:2006-02-24: Etxe guztietan txakurrak oinutsik: hiztegiak Interneten. Mezu honetan Espainiako Akademiari Diccionario panhispánico de dudas-ekin gertatutakoa azaldu nuen. Zorionez, artean salatu nuen OEHren sareratze falta egun konponduta dago. 2006-02-23: Atzo Lazarraga. Ernazimentua euskaraz liburua aurkeztu zen Gasteizen. 2006-02-22: Euskara munduko hizkuntzalaritza aldizkarietan (I). 2006-02-18: Eusjera Unibertsitatean. Errata barregarri baten haritik. Egun zuzenduta dago. 2006-02-07: Bi artikulu berri euskarari buruz. 2006-02-01: Titulazio berriez gehixeago. Gure fakultatekoak datorren ikasturtean hasiko dira....eta duela bost urte:2005-02-25: Bitakorak irakaskuntzan. 2005-02-22: Lazarragaren faksimilea, ze polita! 2005-02-15: EHUren webgunea azken postuan. Zertxobait hobetu da, Google bidezko bilatzailea sartzean; baina akats asko ditu eta laberintiko samarra izaten jarraitzen du. 2005-02-10: Fonetika fonologia hitzez hitz. Lourdes Oñederraren liburuaren berri eman nuen. 2005-02-07: Hitzen balio sortzaile dogonen artean. 2005-02-07: Lazarragaren faksimilea argitaratu da. Nik oraindik nahi dut faksimile horietako bat.2005-02-01: Ziberplagioa. Ikasleek Internetetik kopiatzen dutenean... Nire zenbait ikaslek oraingoz aurreko urteetako lanak kopiatzen dituzte; gure gai batzuk Intereneten aurkitzeko zailak dira.  2010/02/28 - 22:02:05

Karmele Artetxeren tesiaren aurkezpena

Datorren ostiralean, hilak 19, Karmele Artetxek bere doktorego-tesia defendatuko du UPV/EHUn. Hauek dira aurkezpenaren datuak: Izenburua: Komunitate Zientifiko Euskalduna: azterketa historikoa eta bibliometrikoa Zuzendariak: Mikel Aizpuru eta Xabier Isasi Saila: Gaur Egungo Historia Lekua: Leioako Lan Harremanen Unibertsitate-Eskolako Gradu aretoa (UPV/EHU) Eguna: otsailaren 19anOrdua: goizeko 11ak 11:30ak Epaimahaia: Pello Salaburu (EHU, burua)Ludger Mees (EHU, idazkaria)Juan Madariaga (NUP)Emilio Majuelo (NUP)Pruden Gartzia (Euskaltzaindia) Eta hona hemen tesiaren ezaugarri nagusiei buruz helarazi didaten informazioa:Tesiak helburu bikoitza du: batetik, Euskal Komunitate Zientifikoaren eraketa eta bilakaera historikoa aztertzea, eta bestetik haren neurria aztertzea, hots, euskarazko produkzioa. "Euskal" kasu honetan zentzu estriktoki linguistikoan ulertu behar da, hots, euskaraz funtzionatzen duen komunitatea; "Zientifikoa", aldiz, zentzu zabalean ulertu behar da, hots, goi-mailako jakintza oro, Zientziak eta Letrak. Tesia konstatazio batetik abiatzen da, alegia, gaur egun badagoela goi-jakintza euskaraz produzitzen duen jendearen multzo bat, komunitate bat; haren eraketa eta bilakaeraren azterketa historikoa egiten da bost kapitulutan eta, seigarrenean, haren produkzio zientifikoaren azterketa bibliometrikoa. Tesiaren jite nagusia historikoa da, baina zalantza gabeko interesa du euskararen historian interesatuta dauden ororentzat (historialari, soziolinguista, filologo, hizkuntzalari, itzultzaile...); izan ere, azterketa historikoa eginez askoz ere hobeto uler daiteke bai gaur egungo egoera, bai etorkizuneko erronkak.Ostiralean Leioan egoterik izango ez dudanez, bihoazkio hemendik Karmeleri nire zorionik beroenak, dokumentalista moduan duen eskarmentua ezagututa, seguru bainago doktorego-tesi bikaina egin duela.Eguneratzea (2010-03-02):Erantzun batean agindu zuen bezala, Karmele Artetxek tesiaren defentsan erabilitako aurkezpena UEUren Otarrean utzi du:Komunitate Zientifiko Euskalduna: tesi aurkezpena  2010/02/15 - 23:43:05