CodeSyntax: Bloga
Klikmetroak, publizitateko Argia Saria: produktu birala, eta babesletzarako eredu
berritzailea
Gure enpresa CodeSyntax-ek egindako produktu bat, Klikmetroak, izan da Publizitate alorreko Argia Saria eraman duena 2012. urte honetan. Azpeitiko Ikasberri Ikastolak enkargatu zigun aplikazio honek, publizitatea saltzeko modu berri bat dakar berarekin, eta baita markegin birala egiteko aukera. Kilometroak 2011 ekitaldiaren aurretik izan zen martxan, baina hemendik aurrerako Gipuzkoako Ikastolen jai gehiagotan ikustea, adibidez aurtengo Andoaingo Kilometroetan. 2012/01/30 - 19:34:04
Ondo igaro egun hauek, eta urte berri on
Ez duzue gurengandik JPG astunik edo GIF animaturik jasoko, baina utziko dugu blogean, lerro hauen bidez, Gabonetako felizitazio bat denontzat. Ondo igaro ditzazuela denok egun hauek. Enpresan jai egunak izango ditugu datorren astekoak (nahiz eta lantaldeko baten batek zereginen bat ere hartu du #sesisesi KDDrako 27an Bilbon), baina urtarrilaren 2an itzuliko gara, eta ordurako, Urte Berri On denoi! 2012/01/13 - 20:21:02
Bigarren Betor hitzaldia, Iñigo Arandia eta Kaixomaitia.com
Datorren abenduaren 14an bigarren Betor hitzaldia egingo dugu Kaixomaitia.com-eko Iñigo Arandiarekin. Harremanetarako webgune eta aplikazioen sektoreari buruz gehiago ezagutzeko balioko digu hitzaldiak, erabilpen zein negozio ikuspegitik. 2012/01/13 - 20:21:02
Ulma Packaging, nazioarteko garapen eleanitz bat
Oñatin egoitza nagusian duen Ulma talde kooperatiboko enpresetako bat da Ulma Packaging. Gure enpresak egin zion garapenari esker, bederatzi webgune dauzkate orain zazpi hizkuntzatan, eta laser irekiko dira beste hiru webgune (hizkuntza gehigarri batekin). Plone plataformarekin eta plangintza egoki batekin, aurrezpen handiak nazioarteko web hedapenean. 2012/01/13 - 20:21:02
Nola neurtu zure QR kodeen arrakasta
Azkenaldian QR kodeak asko zabaltzen ari dira. Japonian aspaldiko urteetan erabiltzen diren arren, gure inguruetara iristea kostatu zaie. 2012/01/13 - 20:21:02
Hemengo identitatea mantendu eta munduarekin hitz egin, nola?
'Enpresa, sarea eta hizkuntzak' izenarekin hausnarketa sorta bat hasi dute Emun enpresakoek. Galdera bat planteatu zidaten, eta idatzi dut erantzun moduko bat. Euskal soziolinguistikan giltzarri izan den ideia bat baliatuz, intelektualaren konpromisoetaraino. 2012/01/13 - 20:21:02
Goienaren gorakada, lan onaren ondorio
2010eko amaieran eraldatu genuen, Goienaren enkarguz, Goiena.net albiste ataria. Debagoieneko komunikazioko lantalde bikain horrek erabilpena eman ahal izan dio tresnari, eta kazetari-lanaren eta azpiegituraren konbinazioak, emaitza onak ekarri ditu: %50 hazi da haien trafikoa 2011. urtean, aurrekoarekin alderatuz. 2012/01/13 - 20:21:02
Informatikari bila ari gara
Iaz 10 urte bete genituen CodeSyntaxen eta dagoeneko Interneteko eremuan gauza batzuk egin ditugu bai Euskal Herrian bai nazioartean. Etorkizunari begira gehiago egin nahi ditugu. Horregatik, gurekin lan egiteko jende bila ari gara, eta informatikari bila ari gara une honetan. Web ingurunean garatuko du informatikari berri horrek, Python lengoaian nagusiki. Programazioan esperientzia edo zaletasuna izatea kontutan izango da. Eta euskara eta ingelesa ezinbestean. 2012/01/13 - 20:21:02
Zientzia.net, zientzia-edukiak biltzen dituen plataforma
Pasa den hilabeteetan Elhuyar Fundazioarekin elkarlanean jardun dugu zientziaren eta teknologiaren bilgune oparo honen plataforma berria garatuz. Webgunearen eduki arkitektura, diseinua eta garapena burutu dugu Fundazioko lan-taldearekin batera. Elhuyar Fundazioak sortzen duen edukia modu erakargarri eta errazean publiko orokorraren esku jartzea genuen helburu. 2012/01/13 - 20:21:02
Bisualizazio infografikoak, Interneten komunikatzeko: Nestoriaren kasua
Interneten modan dagoen kontu bat: bisualizazio infografikoak. Datu-multzo bat ikustarazteko modu praktiko bat, bereziki sare sozialen garaian era honetako materialak oso erraz hedatzen direlako, ikusmira labur batean erakartzen zaituen zerbait bada, Facebook-eta edo Twitterrera azkarrago zabal dezakezu. 2012/01/13 - 20:21:02
