berria.info

Paperezko edizio osoa interneten, berria.info.

Debagoienako Mankomunitateak Galparsoro aske uzteko eskatu du

Donostia EAE-ANVko, EAko eta Aralarreko ordezkariez osatuta dagoen Debagoienako Mankomunitateko bozeramaileen batzordeak exijitu du Ino Galparsoro Arrasateko alkatea askatzeko. Espainiako Auzitegi Nazionaleko epaile Baltasar Garzonen aginduz espetxeratutako Galparsoro Mankomunitateko lehendakaria da. Joan den apirilaren 30z geroztik preso dago Soto del Realgo kartzelan (Madril). Hamasei ordezkarik osatzen duten Mankomunitateko lehendakariorde Pedro Lasagabasterrek (EAE-ANV) atzo prentsaurrekoan azaldu zuenez, Mankomunitatearen iritzian «justiziak ez dauka arrazoirik Galparsorori askatasuna kentzeko». Hala, duela astebete gertatutako espetxeratzea «injustua eta irrazionala» dela salatu dute. Galparsoro Arrasateko alkate baldin bada, herritarrek ANVren zerrendari eman zizkioten botoengatik dela azpimarratu dute aho batez onartu duten testuan, eta, beraz, «Udalean eta Mankomunitatean daukan lana egiteko konpromisoa bete dezan» Arrasateko alkatea askatzeko exijitu dute. ...  2008/05/09 - 23:04:01

Loiolako agirietako mamia hitzez hitz proposatu dio Ibarretxek Zapaterori. Negoziazioa hautsi aurretik Imazek, Egigurenek eta Otegik landutako oinarriak bere egin ditu

Negoziazioa hautsi aurretik Imazek, Egigurenek eta Otegik landutako oinarriak bere egin ditu EAJk, PSE-EEk eta Batasunak Loiolako negoziazioak hautsi aurretik landutako zirriborroko mamia hitzez hitz bere egin du Juan Jose Ibarretxe Eusko Jaurlaritzako lehendakariak, Jose Luis Rodriguez Zapatero Espainiako Gobernuko lehendakariari elkarrizketarako abiapuntu gisa bidali dion dokumentuan -osorik, hurrengo orrialdean-. Ibarretxeren asmoa bi gobernuburuek itun politikoa egitea da, bidali berri dion agiri irekian oinarrituta; ekainaren 27an Eusko Legebiltzarrak oniritzia ematea hitzarmen horri; eta, azkenik, Arabako, Bizkaiko eta Gipuzkoako herritarrek urriaren 25eko galdeketan berrestea akordioa, hortik aurrera euskal alderdi politikoek esparru juridiko-politiko berrirako negoziazioak has ditzaten, esparru berria 2010ko erreferendumean berresteko helburuarekin. ...  2008/05/09 - 23:04:01

IBARRETXEK RODRIGUEZ ZAPATERORI EGINDAKO AKORDIO PROPOSAMENA, OSORIK. «Itun politikorako proposamen irekia»

IBarreTxeK roDrIGuez zaPaTerorI eGInDaKo aKorDIo ProPosamena, osorIK Espainiako Gobernuko presidenteak eta Eusko Jaurlaritzako lehendakariak honako konpromiso hauek adierazten ditugu, jakinik gure erantzukizuna dela prozesu demokratiko bat zabaltzea, batetik, indarkeriaren arazoari irtenbidea emateko moduko egoera lortzeko eta, bestetik, normalizazio politikoaren gatazkari heltzeko. 1. Konpromiso etikoa indarkeria behin betiko buka dadin Konpromisoa hartzen dugu indarkeria elkarrizketa bidez bukatzeko, betiere horretarako baldintza egokiak sortzen badira, indarkeria bukatzeko ETAren borondate argian oinarriturik eta hori pentsaraz dezaketen jarrera dudagabeetan oinarriturik. Era berean, adierazten dugu erabakia dugula indarkeria utzi nahi dutenekin mintzatzeko prozesuak laguntzea, betiere ezin baztertuzko printzipio demokratiko hau errespetaturik: herri borondatearen ordezkari zilegizkoei bakarrik dagokie gai politikoak konpontzea. ...  2008/05/09 - 23:04:01

Jose Luis Apraiz Arrasateko EAJko udal bozeramailearen autoa erretzen ahalegindu dira. EAJk esan du erasoaren egileek gizartearen ahotsa isilarazteko «adina gasolina» ez dutela

EAJk esan du erasoaren egileek gizartearen ahotsa isilarazteko «adina gasolina» ez dutela Donostia Jose Luis Apraiz EAJk Arrasateko (Gipuzkoa) Udalean duen bozeramailearen autoa erretzen saiatu dira bart goizaldean, Udaleko iturriek eta EAJk jakinarazi dutenez. Haien arabera, 01:15 aldean lagun talde batek gidariaren leihoa hautsi egin zuen, eta su hartzen duen likidoa isuri zuen autoaren barruan. Erasoaren ondorioz, eserlekuak erreta eta ate bat belztuta geratu ziren. Eusko Jaurlaritzako Herrizaingo Sailak adierazi du kalteak txikiak izan zirela sua ez zelako autoan zabaldu. Bestalde, Portugaleteko (Bizkaia) batzokiaren aurrealdera pintura gorria eta horia jaurti zuten goizean, Casilda Iturrizar kalean. BAKEARI TRABA. Erasook makina bat erreakzio eragin ditu. Gipuzkoako EAJk gaitzetsi du horrelako ekintzak burutzen dituztenek, kaltea eta egonezina sortzen badute ere, ez daukatela «euskal herritarren gehiengoaren ahotsa isiltzeko adina gasolina». Luis Maria Apraizi elkartasuna adierazi dio EAJk, eta elkarrizketa eta negoziazioaren bidetik egoera politikoa desblokeatu behar dela nabarmendu du. ...  2008/05/09 - 23:04:01

ZU ZEN DARI ARI. GARZON-LEVERT EPAILEEN AGINDUZ DIRU KONTUAK BLOKEATUAK DITUZTEN HAMASEI KIDEEN IZENEAN GETXO. Diruak bahituran 'Iruña' eta 'Iruñea'

Zu zen DarI aRI Badira lau aste pasa Sud Ouest egunkariaren bidez jakin genuela ezker abertzaleko zazpi militanteren diru kontuak hetsiak izan zirela, Levert epaileak aginduta, Garzon epailearen eskaera betez. Geroztik, gu, militante horien bikotekide eta seme-alabak, egunetik egunera, fikziozko istorio bat bizitzen ari gara. Gure diru kontuak blokeatuak dira (zentzu bakarrean: ezin dugu dirurik atera, baina sartu bai!); beraz, ekonomikoki itoak gara. Eguneroko gastuak (janaria, garraioa, osagarria eta abar) ezin ditugu ordaindu. Gainera, ez dira gure bikotekideen kontuak bakarrik blokeatuak, baita gureak, gure haurrenak eta bikotekideak inplikatuak dauden elkarteenak ere! Hots, zazpi pertsonaren kontuez gain, haien ingurune guztiaren baliabideak ere moztu dituzte (16 pertsona, 33 kontu, 3 elkarte, enpresa bat). ...  2008/05/09 - 23:04:01

EAE-ANV alkatetzetatik kentzeko mozioa babestu egin du Eusko Legebiltzarrak. EAJ, PSE, PP eta EBk onartu dute ANVren esku dauden udalak «demokraziarako berreskuratzeko» ekimena

EAJ, PSE, PP eta EBk onartu dute ANVren esku dauden udalak «demokraziarako berreskuratzeko» ekimena Gasteiz EAE-ANV alkatetzetatik kentzeko sozialistek eta jeltzaleek hitzartutako mozioa babestu egin du Eusko Legebiltzarrak. EAJren, PSE-EEren, PPren eta Ezker Batuaren aldeko botoekin atera da aurrera EAE-ANVko alkateen dimisioa eskatzen duen mozioa. Popularrek eraman zuten atzo Eusko Legebiltzarreko osoko bilkurara ANVk gutxiengoan agintzen dituen udalak «demokraziarako berreskuratzeko» helburua duen proposamena. PPren jatorrizko ekimenari osoko zuzenketa aurkeztua zioten EAJk, PSE-EEk eta Ezker Batuak, ANVren aurkako «mozioa etikoen» eduki berberarekin. Azkenean, ordea, popularrek bat egin zuten zuzenketarekin, eta erdibideko testuan ados jarri ziren lau taldeak. Alkatetza horiek «demokraziarako berreskuratzeko» eskaera egiten zien PPk gainerako alderdi politikoei, eta aipamen hori jasotzen du Eusko Legebiltzarrak aurrera ateratako legez besteko proposamenak. ...  2008/05/09 - 23:04:01

Inkomunikazioa ezabatzeko eskatuko dute Kongresuan

Eusko Legebiltzarreko hiru ordezkari Espainiako Kongresura joango dira atxilotuei ezarri ohi zaien inkomunikazio egoera bertan behera utz dadila eskatzeko. Horretarako, legea alda dadila eskatuko diote Kongresuari. Atzo aukeratu zituen Eusko Legebiltzarrak Espainiako Diputatuen Kongresura joango diren ordezkariak. EAJko Elixabete Piñol, EAko Rafa Larreina eta Aralarreko Aintzane Ezenarro izango dira inkomunikazioa ezabatu dadila eskatuko duten legebiltzarkideak. Halaber, tortura kasurik egongo ez dela ziurtatzeko, atxiloaldiak bideo kameraz grabatu daitezela ere eskatuko dute hiru legebiltzarkideek, nazioarteko torturaren kontrako taldeen gomendioak jarraituz. ARALARREN PROPOSAMENA. Aralarrek egin zuen gomendio horiek praktikan jartzearen aldeko proposamena Eusko Legebiltzarrean. Legebiltzarrak ekimena onartu zuen, eta, beraz, erkidegoetako ekimen legegile gisa aurkeztuko dute proposamena Espainiako Kongresuan. Aralarrek berri ontzat jo du ordezkaritza aukeratzea. ...  2008/05/09 - 23:04:01

Ibarretxeren proposamenari «hauteskunde kiratsa» dariola adierazi du ezker abertzaleak. Unai Ziarretak uste du PSE-EEk eta EHAK-k balizko akordioa babestu beharko luketela

Unai Ziarretak uste du PSE-EEk eta EHAK-k balizko akordioa babestu beharko luketela «Hauteskunde kiratsa» dario Juan Jose Ibarretxek Jose Luis Rodriguez Zapaterori egindako akordio proposamenari, ezker abertzalearen ustez. Loiolako elkarrizketetan EAJk, PSE-EEk eta Batasunak landutako testuaren gainean Batasuneko ordezkariek egindako «zehaztapenak» onartu ez eta PSE-EEk eta EAJk negoziazio prozesua apurtu zutela gogorarazi du ezker abertzaleak. Ibarretxek Zapaterorekin eztabaidatu nahi duen proposamena zehaztapen horiek jasotzen ez direla salatu du ezker abertzaleak, «agerian utziz» bi agintarien artean ezein akordioetara iristen badira «iruzur» berri bat egiteko besterik ez dela izango. Hala jakinarazi zuen atzo ezker abertzaleak hedabideei helarazitako komunikatu batean. ...  2008/05/09 - 23:04:01

ASTEBETE. Paperak mahai gainean

Astebete Zirt edo zart egiteko tenorea iritsi da Ibarretxe eta Zapaterorentzat. Egun gutxitan argituko da zer ematen duen bion arteko elkarrizketak. Bilerarekin espekulatzeko garaia amaitu da, itxurak egiteko gero eta tarte gutxiago dago. Ibarretxek Zapaterori igorri dion gutunak -zehazkiago, Itun Politikorako Proposamen irekia izenburuko agiriak- aldarazi du fasea. Paperak agerian jarriz, edukiei buruzko eztabaida jarri du mahai gainean. Proposamen hori behin kaleratuta, argi gelditzen da kontsulta eta bere legalitateari buruzko ika-mika ez direla garrantzitsuena. Akordioaren mamia da gakoa. Benetako hautua hor dago. Horrek markatuko du akordioaren aukera eta desakordioaren norabidea. EAJk aspalditik eta askotan iradoki du Espainiako Gobernuarekiko negoziazioan Loiolako elkarrizketen edukia jarriko zuela mahai gainean. Iazko irailaren 28an, Ibarretxek Eusko Legebiltzarrean bere bide orria azaldu eta aste batzuetara, Joseba Egibarrek eta Miren Azkaratek aipatu zuten aukera hori. Aurrerago, otsailean, Iñigo Urkulluk berak Estatuarekin lortu beharreko akordioaren oinarritzat jo zuen Loiolan hitz egindakoa. Geroago, hauteskunde kanpainan, Josu Erkoreka urrunago joan zen: inbestidura saioan Zapatero babesteko Loiolako oinarrien gaineko akordioa proposatuko zioten. Hauteskundeak iritsi eta emaitzak ikusita, hitzak hoztu egin ziren. EAJren barrenean, iritzi gorabeheratsuak izan dira Espainiako Gobernuarekin hitzartu beharreko akordioaren mamiari buruz. ...  2008/05/09 - 23:04:01

LARREPETIT. Atez atekoa

Larrepetit Zaborraren gizartea omen da gurea, eta ez kontsumitzen dugunagatik bakarrik, esango nuke sortzen dugunagatik gehiago dela. Arazo handia bihurtzen ari da zaborra. Baina eskerrak seme-alabak etxetik joan zaizkienetik ikastaro neo-hippietara joaten diren gu-rasoak ditugun. Eurak hasi zitzaizkigun konposta- jeaz berba egiten, nola eta zertarako egin behar den esaten... San Markoseko zabortegiak nahiko buruhauste ez badu eman bere itxierarekin, orain zaborren lekualdatzea dator. Prentsa bidez jakin dugu urtean 25.000 tona hondakin eramango direla Gipuzkoatik Bizkaira. Prentsa bidez jakin dute baita Igorreko herriak eta bertako alkateak ere euren herriko zabortegia izango dela San Markoseko arazoa denbora batez arinduko duena. Igorreko zabortegiak hamar urteko biziraupena duela esan da, ez dakiguna da Gipuzkoatik datozen hondakinak kontuan hartuta izango den. Orain arte herriari esan izan zaio Arratiako hondakinak baino ez zirela pilatzen bertan. Horren inguruko zalantzak handiak izan dira orain arte, Gipuzkoatik etorriko den zabor motak sortzen dituen modukoak. ...  2008/05/09 - 23:04:01