Hernialde, Tolosaldeko hitza
Hitzako albiste zerrenda hernialde
AHTren inguruan informaziorik gabe jarraitzen dute Hernialden
AHTren Tolosa-Hernialde zatiaren lizitazioa ireki zuten duela astebete. Urrats horren aurretik ordea, oinarrizko proiektua eta proiektu konstruktiboa kaleratu behar dira. Bi proiektu hauekin ados ez dagoenak, 20 eguneko epea izango du alegazioak sartzeko. Tolosako AHTren informazio bulegoak oraindik ez dauka zati honen inguruko proiektu konstruktiboa. Hernialdeko Udaletik azaldu dutenez, oinarrizko proiekturik ere ez dute jaso. Alegazioak sartzeko edo herritarrei kaltetuak diren edo ez azaltzeko aukerarik gabe, egoera «lotsagarria» dela azaldu dute Udaletik. Galdezka joaten zaizkien herritarrei zer esan ez dakitela ibiltzen dira, ez baitute proiektu konstruktiborik. Eusko Jaurlaritzako Garraio sailarekin harremanetan iaz jarri omen ziren, baina oraindik erantzunaren zain jarraitzen dute. ... 2010/07/24 - 23:29:01
Karmele Pellejeroren lanak irailaren 12a arte
2010/07/22 - 00:01:01
Irailaren 12ra arte luzatuko da Pellejeroren erakusketa
Hasiera batean, hil honekin batera amaitu behar zen Karmele Pellejero tolosarrak Hernialdeko ostatuan duen erakusketa, baina epea luzatzea erabaki dute, eta irailaren 12ra arte ikusi ahal izango da. Ekainean jarri zen erakusketa honetan, era guztietako margolanak bildu ditu Pellejerok; paisaiekin hasi eta abstraktuak diren lanak arte. Haurrentzako modukoak diruditenak ere ikusi daitezke. Erregistro zabala beraz margolari honena, hainbat teknika probatutakoa baita. Berreskuratutako zaletasuna Txikitatik izan omen du Pellejerok margotzeko zaletasuna, baina aspaldi alde batera utzia zuen. Dena den, halabeharrak zaletasuna berritu dio, istripu baten ondorioz baja harturik, denbora librea betetzeko aitzakia eman baitio. Pintzelak harturik hasi zen berriz, une beltzei kolorea jarri nahian. ... 2010/07/19 - 23:39:03
Askotariko lanak
Hernialdeko Herri Ostatuan, koadroen erakusketa bat dago zintzilik hilabete honetan. Tolosarra den baina Hernialden bertan bizi den Karmele Pellejeroren artelanak dira eta hilabete hau bukatu bitarte izango dira ikusgai. Pellejerok txikitatik izan du margotzeko zaletasuna eta istripu baten ondorioz aurkitutako gaixotasun batek bajan egotera behartu duenez berriro ere margoak eta pintzelak hartzera animatu da. Izan ere, buruari buelta gehiegi ematen ari zela dio artistak eta horregatik heldu dio aspaldiko zaletasunari eta Tolosako ikastaroan izena eman ostean, berriro ere, margo artean dabil. ... 2010/06/24 - 23:03:02
Herri kirolak eta asto jatea
2010/06/19 - 23:18:01
Ostiralean hasiko dute Asteburu Kultura
Urteko egunik luzeena iristear den honetan Hernialden Asteburu Kulturala prestatu dute. Hitzaldia, herri kirolak, asto jatea eta mendi ibilaldia izango dituzte. Hasiera bihar bertan emango diote Koke Lasaren hitzaldiarekin. Liburutegian izango da eta 20:30ean hasita, Shisha Pangma Bide Britaniarra izango da jorratuko duen gaia. Larunbatean, 12:30ean herri kirol emanaldia izango dute herriko plazan eta besteak beste, Joxe Mari Olasagasti izango da. Ondoren, herriko frontoian, asto jatea egingo dute. Giroa alaitzeko, trikitilariak izango dira. Tripa bapo bete ostean, hurrengo eguna, mendi ibilaldi eder bat egiteko aprobetxatuko dute. Ibilaldian, Hernialden bertan duten kobazulotik pasako dira eta bertara sartuko dira. Mendi buelta egin ostean, inoiz falta ezin den hamaiketako egingo dute. Hori herriko elkartean egingo dute. ... 2010/06/16 - 23:47:03
Plaza berritua Hernialden
Hernialden, bi proiektu aukeratu zituzten Foru Aldundiko Landagipuzkoa 32 proiektuaren baitan diru-laguntzak eskatzeko. Alde batetik, frontoia zaharberritzea eta bestetik, Santa Kruz Apaiza plaza urbanizatzea aukeratu zituzten. Bi proiektu hauek gauzatzeak 159.221,23 euroko kostua izango du Hernialderentzat. Horietatik 140.000 euro Foru Aldundiak jarriko ditu. Santa Kruz Apaiza plazaren urbanizazioko bigarren fasea egin dute. Plaza, udaletxea, eliza eta frontoiaren arteko espazioa da eta obren lehen fasea, 1998. urtean bukatu zuten. Plazaren zati bat oinezkoentzat egokitua izan da eta beste zati bat kotxeak aparkatzeko erabiltzeko moduan jarri dute. ... 2010/06/12 - 00:04:04
Langilearen egunean, sardina jatea egingo dute
2010/05/11 - 00:04:01
«Nire aurtengo helburua Ironcat triatloi proba bukatzea da»
Denboraldi berezia eta emaitzetan bikaina egiten ari da Itsaso Leunda (Hernialde, 1984). Duatloian parte hartu duen proba guztietan irabazi du, tartean Euskadiko Txapelketa eta Bizkaiko Txapelketa, azken hau Lekeitioko Garraitz taldearekin lehiatzen delako. Txirrindulari bezala Debabarrena taldean lehiatzen ari da eta aurreko asteburuan Erdoñanan (Araba) lasterketa irabazi zuen. Baina aurtengo denboraldiko helburua triatloia da. Maiatzaren 15ean Ironcat proba egingo du eta Zarautzen jokatuko den distantzia luzeko Euskadiko Triatloi Txapelketan parte hartuko du. Iaz txirrindularitzara zuzendu zenuen denboraldia eta aurten duatloira eta triatloira. Zergatik? ... 2010/05/11 - 00:04:01
Hernialdeko IX. Rolleski Igoeran 57 lagunek hartu dute parte
Atzo izan zen Alpino Uzturre mendi elkarteak antolatuta, Hernialdeko IX. Rolleski Igoera. Batzuk, Tolosako Belate auzotik eta besteak, Hernialdeko bidegurutzetik abiatu ziren. Igoera bi estilotan burutu zuten parte-hartzaileek. Belatetik abiatutakoek, skating eran korritu zuten eta Hernialdeko bidegurutzetik abiatutakoek berriz, estilo klasikoan egin zuten. Belatetik abiatutakoek, lehen 800 metroak, lauak izaten dituzte eta gero 3, 2 kilometroko igoera egin behar izaten dute. Era klasikoan egiten dutenek berriz, hau da, bidegurutzetik abiatzen direnek, 3,2 kilometroko igoera egiten dute. ... 2010/05/11 - 00:04:01
