Irakurlearen Tartea

Mahatserriko Irakurlearen Tartearen bloga

Haragitik hara

Eider Rodriguez eduki genuen asteazkenean gurekin, bigarrengoz. "Haragia" du izena liburuak, gordina eta minez betea, antza. Eiderrek hala ere goxo azaldu zizkigun liburuaren nondik norakoak.Iruzkin polita egin du Katixak bere blogean: Haragiaren mina. Bideoan jaso genuen izenburuaren azalpena: Zergatik "haragia"? Xabier Mendiguren Elizegi izan genuen partaide solasaldian, eta elkarrizketxo interesgarria izan zuen Eiderrekin: Gainerakoan hemen dauzkazue argazki batzuk: Created with Admarket's flickrSLiDR. 2008/05/03 - 03:09:04

Zubitik zubira

Lutxo Egia eduki genuen lehengoan gurekin. Zubigilea eleberriaren aitzakian Bilbo zer izan den, zer den eta zer izango den jardun genuen luze. Lutxok berak ekarritako pastekin goxo. 2008/04/06 - 02:06:03

Haragia: Eider Rodriguez

Eider Rodriguez idazleak (Errenteria, 1977) bigarrenez egingo digu bisita Irakurlearen Tartera. Aurrekoan "Eta handik gutxira gaur" (Susa, 2004) ipuin liburua ekarri zigun, apirilaren 30ean, ordea, "Haragia" (Susa, 2007) narrazio liburua aurkeztuko digu.12 ipuinek osatzen dute Eiderren bigarren liburua; maila altuko 12 ipuin, gizon-emakumeon alderdi ezkutu eta iluna azaleratuko digutena. Gaur egungo bizimoduari gordintasunez so egiten dio idazleak maisutasunez gidatzen duen generoan.Katixa Agirrek moderatuko du berbaldia. 2008/04/06 - 02:06:03

Festa aldamenekoan eta gure gelan ere bai

Blog komunitatearen arazo teknikoak direla eta ezin izan dugu ez iragarri eta lehenago eman haren berri. Lehengo asteazkenean (otsailak 27) Mariasun Landa izan genuen gurekin, Festa aldameneko gela liburuaren harira berbaz. Solasaldi goxoa eta atsegina eskaini zigun Mariasunek, Katixak lagunduta. Pariseko bizimoduaz hasita, nostalgia ikututxoa nabaritu zen entzuleengan ere. Hemen dauzkazue argazki batzuk. Created with Admarket's flickrSLiDR. 2008/03/05 - 00:37:04

Antzararen bidetik

Antzararen bidetik barik autopistatik etorri zitzaigun Jokin Mu�oz Iru�etik. Solasaldi polita eta gustura han egon ginenok. Hemen kontatzen dizkigu liburuarenak nondik hasi ziren: Hemen argazkiak: Created with Admarket's flickrSLiDR. 2008/03/04 - 22:50:25

Urtebete itsasargian

Solasaldi atsegina lehengo egunean Miren Agur Meaberekin. Urtebete Itsasargian gustura irakurtzen da, eta gustura entzun idazleari ere bai. Mimoz idazten du Miren Agurrek, duda barik, eta tertulian igarri egin genuen. Liburua erreferentzia afektibo eta omenaldi txikiz beterik dago hain zuzen ere, eta haien berri eman zigun: Lekeitio, Lauaxeta, Eusebio Erkiaga, baita Miren Agurren semea bera ere. 2008/03/04 - 22:50:24

Bideoa: Jainkorik bai ala ez?

Aspaldian gabiltza Tarteko saioetan argazkiak eta bideo pasartetxoak hartzen. Azken saioan berriz, solasaldi osoa grabatzeko proba egitea otu zitzaigun. Ez gara bideogintzako profesionalak, hala ere, gailu domestiko batzuekin geuk ere "telebista" egin ahal dugula konturatu gara. Kamara lekutik mugitu barik, eta soinu zein irudi aldetik akats batzuk gora-behera, baina han esan zirenen testigantza emateko modua aurkitu dugu. Maiderri esker gehien bat. Hemen daukazue beraz lehengo azaroaren 27ko solasaldia osorik. Tartea productions-en opera prima. Hiru ataletan banatuta. Ikusi eta esango diguzue: I atala: II atala: III atala. 2008/03/04 - 22:50:23

Miren Agur Meabe: Urtebete Itsasargian

1936ko gerrari buruz idatzitako liburu historiko nahiz fikziozkoen artean toki berezia beteko du Miren Agur Meabek idatzi duen nobela xume baina eder honek. "Urtebete itsasargian" gaztetxoentzako eleberri bat da, gaztetxo bat duena protagonista eta kontalari. Jon gaztetxo bilbotar bat da, gerra hastean gurasoek Garraitzetara bidaltzen dutena (Lekeitioren irudikapen literarioa), osaba farozainarengana. Miren Agurrek Euskadi Saria bigarrenez lortu du eleberri honekin gazteen arloan, helduentzat ere oso atsegina den arren. Katixa Agirrek moderatuko du berbaldia. Abenduaren 12an, asteazkena, iluntzeko 20.00etan, Santutxuko AEKn (Arbidea 21, Txurdinaga). 2008/03/04 - 22:50:23

Iturriak