.

facebook-en ere hemetik aurrera

Badakizue, facebook modan dago. Askotan informazioa eskaintzeko blog-a baino tresna biziago eta haren osagarria izan daitekeenez, ba hor ibiliko gara aurrerantzean ere.  2010/02/10 - 17:08:02

Euskararen nazioarteko eguna ospatzen Sopelan

Gaurtik eta abenduaren 5erarte ondorengo ekitaldiak antolatu dira Euskaren eguna ospatzeko Sopelan: Abenduak 3 "Izarren distira kastina" 17:00 Kurtzio Kultur Etxean "Katramila goizetik gauerako abesti-jolasak" tailerra gurasoentzat 18:00 Kurtzio Kultur Etxean Abenduak 4 "Euskal Ipuinak" Ipuin-kontaketa haurrentzat. 18:30 Kurtzio Kultur Etxean Abenduak 5 Kulki taldearen eskutik meatzarien jolasak eta jaia haurrentzat. 12:00 Udaletxeko plazan. EKO Euskal Kantarik onena kontzertua. 20:00 Kurtzio Kultur Etxean. Informazio osoa jasotzeko, ondorengo helbidean begiratu: http://www.sopelana.euskadi.net/v43-kueusker/eu/contenidos/informacion/kul_euskara/eu_euskara/kul_euskara_agenda_eu.html  2009/12/02 - 22:13:19

Erromeriaren bideoa

Sopelako plazan azaroaren 20an egindako erromeriaren bideoa ikusteko aukera hemen ondoan dozue. Haizea sobran eta argia faltan, baina primeran pasatu genuen. http://www.youtube.com/watch?v=slaZVHIF40w  2009/11/22 - 22:53:04

Ibilaldi geologikoa bideoz grabatua

Igandean, urriak 25ean, egindako txangoaren laburpena ikusteko aukera Euskaltuben daukazue. Ikusiko duzuenez, Koldoren azalpenak oso argiak eta zehatzak dira era berean. Jakingura duenarentzat, ikasmateriala bezala erabiltzeko... hona hemen bideo. http://euskaltube.com/play.php?vid=5033 Eta hiru zatitan nahiago badozu ikusi ondoan daukazuen youtuberekin lotura.  2009/10/28 - 00:36:02

Ibilaldi geologikoa urriaren 23 eta 25ean

Oraingoan, gure kostaldeko aberastasun geologiko eta paleontologikoak ezagutuko ditugu. Sarritan uste dugu gauza ikusgarrienak urrutikoak izaten direla. Ba hementxe bertan, Uribe kostako haitzetan badago zer ikusi ere. Gidari ezin hobea izango da gurekin, geologian doktorea den Koldo Nuñez. Beraz, 23an arratsaldez, beharrezkoa den azalpen teorikoa egingo digu Koldok, eta 25ean igandean goizez egingo dugu irteera. Bertan ikusitakoak galdu ez daitezen blog bat zabaldu dugu Aitxu!-koak horretarako propio. Hor argitaratuko ditugu egun hoietan jasotako informazioa. http://www.aitxubiribil.blogspot.com/  2009/10/09 - 01:41:04

Txalaparta ikastaroak euskaraz

Urriaren erditik hasita, martxan izango da Aitxu! Euskara Taldeak eta UKtest -en artean antolatu dugun Txalaparta ikastaroa. Hilean 20 euroren truke, eguna eta ordua zehaztekoak ditugu. Informazio gehiago jasotzeko deitu telefono hauetara: 656798622 edo 625902678ra Argazkia: Egizu, Getxo Euskaldun  2009/09/24 - 02:28:03

Kaleko zinea euskaraz

Larunbat honetan, abuztuak 29, kaleko zinea izango dogu euskaraz Larrabasterrako Urgitxieta plazan. Gaueko hamarretan. "Supertramps" filma ikusteko aukera izango dogu. Labezomorro, uso eta kaleko katu baztertu baten istorioak...  2009/08/25 - 03:40:02

"Euskarak Batzen gaitu" bideoak

Hirugarrenez "Euskarak Batzen gaitu", euskeraren aldeko jaia ospatu genuen Sopelan. Beherago eskegitako bideoetan ikusten dozuenez, parte hartze handia izan zen. Bai afarian, bai kalean egindako kantaldian. Guztira frontoian 250 pertsona bildu ginen afaritarako, eta bertan parte hartu zuten talde eta elkarteak aurten 30 izan dira. Baina lehen-lehenengo, aipatzeko kontu bat daukagu (frontoian esan bagenuen ere, bertako akustika txarra zela eta, ez zen ia ezer ulertu), aurrenekoa beraz hau: "Taberna ibiltariko" lagunei gure eskerrik beroenak . Eurei esker gure hirugarren kantaldia burutu ahal izan dugulako. Ez bakarrik hiru urtez musutruk etorri direlako, ez, aurten gainera egun berean beste konpromiso bat zeukatelako beste leku batean, eta azkenean beste leku horretan kantatu ostean gurera etorri zirelako, Sopelako saio bikoitza burutzera. Beraz, ez dakigu datorren urtean berriz ere kantaldia errepikatu ahal izango den, baina behintzat orain artekoak benetan eskertzen dizkiegula. Saioa, akustikaren arazoa alde batera utzita, primeran joan zen. Eskainitako sarrera guztiak saldu ziran eta gainera iaz baino talde gehiago erakutsi dute euskararen alde herrian lan egiteko gogoa . Hau baita, azken batean afari-kantaldi honen helburua. Hona hemen "Euskarak Batzen Gaitu" bideo eta argazkitan. Zeuk gehiago izan ezkero eta eskegi gura badituzu, gurera mezu bat bidali: aitxuizuba@gmail.com  2009/06/16 - 03:16:06

Euskarak Batzen Gaitu! zapatu honetan

Dagoeneko izango duzue zapatu honetako ekitaldiaren berri. Badaezpada gogora dakartzuegu berriz: Ekainaren 13an, arratsaldeko 7etan, Taberna Ibiltari musika taldekoekin, LAIAK eta ERTZA tabernen artean kantu saio bat edukiko dugu. Geroago, 9etan Sopelako Pilotalekuan, herri afaria eta kantaldia izango dira. Afariak 20 euro balio du eta azken tiketak salgai daude Udaletxean, Laubide dendan, Alemaniar tabernan, Larrabasterrako Yako dendan eta Ikastolako bulegoan. Beraz, animo eta eztarriak afinatu!  2009/06/11 - 03:08:03

Autobusa Ondarrura

Datorren igandean Ondarroan ospatuko den Hizkuntz Eskubideen Egunerako autobusa jarri dugu Ezkerraldeko eta Uribe Kostako EHEren taldeok. Autobusa Portugaletetik aterako da goizeko 9etan , Java zinematik .Bueltatzeko ordua 20:00ak aldera izango dela uste dugu. Dena den, hori autobusean finkatuko dugu. Autobusa eta herri bazkarirako txartela 25 euro izango dira.Izena emateko 652 764 387 telefonoan egin dezakezue (lekuak agortu edo ostiralera arte).  2009/04/29 - 01:56:04