hitzperimentu bat osasunguran

Palindromo ariketa (odolzalearena)

Amaitu dira oporrak. Ongi etorria palindromo ariketa berrietara. Pasa aurrera. Etxean zaude. Txunditzeko ala aspertzeko eskubide osoa duzu. Ez ahaztu bisita liburuan zure mezua lagatzea. Palindromo odoltsua da hurrengoa: Nahasmen moduan, izua. (Odolzalearen desira, han). 7 7, 5. (11 6, 3). Helduberrientzat oharra: Palindromo ariketak nola egin. PS: Sarraski batekin ikasturte berriari hasiera ematea ez dakit egokia den. Palindromoak, baina, bihurriak dira. Mezu apetatsuak sortzen ditu ispilu joko honek. Eta simetriaren lege hertsietan berbekin jolastera ausartzen den orok badaki OKELA BALEKO dela eta IZUA ERE AUZI. Problemarik gabe.  2010/08/30 - 20:55:01

Onak izan eta... ATARA ZARATA!

Abuztuaren bukaeran-edo helduko diot berriro blogari. Bitartean, Ermuko Santixau jaietako euskal birusaren aldarri palindromoarekin lagatzen zaituztet. Ondo izan. Sukram.  2010/07/19 - 08:43:02

Palindromo ariketa (hitz zaparrada)

...eta berba-jarioaren jirabueltan palindromoa sortu zen, hizkuntzaren goxoki: Oparotasuna? Kea? Hitz-zaparradak ere errotazioan (du) gozoa, hitzak, jostagarriki saiatu eta bizi baitziharduen, bere kabuz, jelea sortuz. 5? 3? 3-5 3 5 5, 5, 8 7 7 3, 4 4, 5 7. Helduberrientzat oharra: Palindromo ariketak nola egin. PS: "Atrapa y aparta" dio gaztelerazko hizpiluak, eta palindromoari buruz ari da. Liluratzen zaitu ala nazkatu. Horregatik behar du izan dosi txikitan emana eta hartua. Erregina-jelea bezala: "Dosiei dagokienez, erregina-jelea palindromo freskoa hartzekotan, arto ale bat adinako tanta bat hartu behar da egunean bitan, minutu batzuetan mihi azpian urtzen utziz." Hor dago sekretua.  2010/07/13 - 04:31:02

Palindromo ariketa (gozamen ergel?)

Zera dio topatu beharreko palindromoak: Nik pipatzen dut (gozamen ergela ote?) birika ez nagiekin. 3 4 (6 3?) 5 2 10 Helduberrientzat oharra: Palindromo ariketak nola egin. PS: Ospitale psikiatrikoan asko erretzen da. Gogoratzen dut, nire lehendabiziko egonaldian, maniaren goren-gorenean, "objetivo: cáncer de pulmón!" kantatzen nuela zigarro batetik bestera. Eta egurra ikutu gabe. Birika bete ke harrotu eta patuari burla egitea gauza alua da, gero. Hamabi urte pasa dira eta erretzen jarraitzen dut, baina, harrokeria hura etsipena izatera pasa da. Lagako banu ere, kaltea jada egina legokeela pentsatzen dut. Yonki bat naiz, eta zer. Gainera, ERRE palindromoa da. Problema bat daukat.  2010/07/05 - 06:41:04

Erabaki bi

Erabaki bi hartu dut, eta pertsona arras kontraesankorra naizen aldetik ezin dut ziurtatu erabaki irmoak izango direnik, baina, tira: 1) Palindromo ariketei burutazio-pajeo-pertsonal bat gehituko diet, post scriptum bat, PS, ariketaren ostean. Ariketak ebazterakoan mesederik ez dute egingo ziurrenik, baina faltan botatzen nituen blogean unean uneko palindromoak eragiten dizkidan gogoetak. eta 2) Palindromo ariketen artikuluetako irudiak neronek sortutako irudiak izango dira. Ez dut orain arte jabetza eskubide arazorik izan inorekin baina "alegremente" hartu dut handik eta hemendik, askotan iturria aipatu gabe. Kitto. Hala bedi Sukram  2010/07/03 - 07:15:04

Palindromo ariketa (Basaitona)

Zaharren egoitzetan ia denetarik egiten dute, aisialdi programak gero eta aberatsagoak dira. Dantza, bidaiak, dominoa, eta orain: borroka librea. Aitona-amonak ring-ean dinbi-danba. Gure aitonak, adibidez, izen artistikoa ere badauka: "Basaitona". Ez dago txarto, baina nik izenaren aldaera palindromoa proposatu diot, indar gehiago emango diolakoan-edo: "8 7" Helduberrientzat oharra: Palindromo ariketak nola egin.  2010/06/28 - 08:35:01

Palindromo ariketa (su-etenaz)

Maoistak bere liderrari bene-benetan diotso beldurra eta gerra zela, baina su-etena hurbil dela. Hurrengo palindromo ezkutuarekin diotso, gainera: 3 3, 4. 6, 3, 5 4, 5. Helduberrientzat oharra: Palindromo ariketak nola egin.  2010/06/21 - 04:33:01

Suan Joanak

"Tolosa Beantatuz" , alegia, bintatuz, pintatuz, bean=babarruna, Tolosako babarruna. Jode, kostatu zait harrapatzea, egunak. Laguntza behar izan dut (thanx Txarli), nik, neure burua hitz-jokalari handitzat daukan honek, jeje. Enfin. Total, Tolosako GKo Gallery-ak mural eta grafitti lehiaketa antolatu duela eta han izan naiz neure hitz-joko eta mamutxoekin. Sua zen gaia, eta nik sprayak erabili ditut. Argazki montajean ikusi dezakezuena izan da nere aportazioa lehiaketari. Saririk ez dut lortu, baina ondo pasatu dut, Kle etorri da Ermutik argazkiak ateratzera, @bedaio3000 ezagutu dut ( astohitza kamiseta erosi dit!), eta bost liburu (euro banatan) eraman ditut Triangelu plazako postu batetik. Etxera bueltan euria jotafuego hasi da eta afaltzera gonbidatu nau lagunmin batek. Euriaren arabera, Doctor Deseo ikusiko dugu Untzagan ala "Inglourious Basterds" sofan botata. ¿Qué más se puede pedir?  2010/06/19 - 22:55:02

Haiku #5

 2010/06/16 - 17:50:05

Palindromo ariketa (Niko Rokin)

Hemen gaude berriro, palindromoaren bila, eta gurekin... Altzürüküko kantaria ere, bere tramankulu estimatuek lagunduta. Bai, hala dio eta palindromoak: 4 6 3, 4 10 Helduberrientzat oharra: Palindromo ariketak nola egin.  2010/06/14 - 06:28:03