POETA BIZIEN KLUBA

GORA GU TA GUTARRAK!

EZ IBILI HEGAN EGITEKO

AIRFRANCE: NE PAS MARCHER, NO STEP Zuri zeuden Aiako Harriak gaur goizean eta irribarre egin dut triste. Ene begi biribil harrituez karratu berdeak utzi ditut azpian eta karratu zuriak ikusten ditut orain. Zuri daude Europaren bihotzeko zelaiak. Zuritik niniz irribarre bat guri. "Maite zaitut, txistuka" bihotza, etsipenez . EZ IBILI edo kontuz elur gainean NE PAS MARCHER hegan egiteko , elurrartzera goaz eta lotu segurtasun-gerrikoak, mesedez... ...maitemindurik bazaude ere, lotu zaitez bizitzari, hori erran dit azafatak begiekin. Ainara Maia Urroz  2012/02/07 - 04:09:03

ZURE ESKU DAGO

ZURE ESKU DAGO (ZALEZI NA TOBE) Zure atzetik abiatu nintzen igerian, Jaizkibelgo itsaslabar hartatik behera, zure sekretuak gordetzen zituen kutxa horren bila, duela lau urteko uda maitagarri hartan. Goizeko lauretako izarrak esnatzen nau geroztik, eta ainara hau joan zen zure atzetik. Geroztik, ez dut udarik izan eta udazken honetatik negua helduko da, mendi gainetan elur zuria, orbel nabarraren gainean. Liliak, itxaropenik gabe erori ziren aspaldi gure udaren azken hartan. Geroztik, udatik negura eten bat gertatzen zait, eten jarraikor bat, zure zain. ZURE ESKU NAGO, zure laztan eta muxuen zain.  2011/11/22 - 04:52:02

ZORIONAK ZURI NIRE URTEBETETZEAN

 2011/06/07 - 06:57:04

MAITASUNA maitasuna da...

 2011/03/08 - 07:26:05

beharbada ez naiz zoriontsu

 2010/10/05 - 08:20:04

idazle eskola HATSA ELKARTEA 2010-09-18

 2010/08/31 - 08:32:03

PINPILINPAUXA

INTZA (Nafarroa) Ihintza ttantta ene oina-zolan goizeko ihintza ttantta bat zapaldu dut eta bizitzaz blaitu naiz isiltasunak irentsi ditu hitzak eta alaitasuna dotoreziaz dantzan ari da eta ni kantuan hazi nahian xuxurlaka isil hasi natzaizu maite zaitudalako PINPILINPAUXA Dotoreziaz pausatzen da lorean Eta isurtzen da erabakior Ihintza ttantta bat Kanpotik barnera Burutik bihotzean behera Goitik behera Alaitasunez.  2010/07/27 - 08:45:02

gora gu ta gutarrak 2010-08-08

 2010/07/27 - 08:45:02

amatxi

 2010/07/20 - 08:48:02

ene bihotzarentzat berri onen bat

Kaixo lagunok, zer moduz? ez dakit norbaitek irakurtzen ote didan hau, baina irakurtzen ari bazara, esadazu, arren... eman bizi-seinaleren bat mundu honetan bakarrik senti ez nadin gehiago... 2010... pua, ke desastre! non dira 2010? kaka zaharra! non dira 2009? negar-uholdea non dira 2008? pua, ke desastre! mina, bakarminez non dira 2007? zorion ia betea non dira 2006? ahanztura, txistu leun baten eskutitza. non dira 2005? zero urtea, aurreko bat eta geroko bat. Begiraden arteko magia irribarre batez maitasunaz maitemindu... Barkatu, asier...ez dizut ezer eskatu, ez eskatuko ere... itzuli naiz jada Moraviatik Euskal Herrira, eta gogorra zait une honetan Euskal Herrian bakarrik egotea, oroitzapenek oraina zipriztintzen didate, eta lagun on batek erran dit oroitzapen berriak sortu behar ditudala zaharrak atzean uzteko, baina bakarrik ez da hain erraza; hala ere, saiatzen ari naiz asier, ez dakit hau irakurriko duzun, baina nik hau idatzi behar dut, nahiz eta inork ere ez irakurri beharbada. Oso ongi pasa dugu elkarrekin pasa den negu luzean, eta zure besarkadak eta muxuak aurten gertatu zaidan gauzarik politenak izan dira eta eskertzen dizut. Agian, zuretzat denborapasa hutsa izan naiz (Ich liebe Ain... ), baina neretzat zu ez, serio jolastu naiz zurekin... "maite zaitut" erran dizudanero, bihotzetik aterata erran dut, eta maitasunez oheratu naiz zurekin (oraingoz maitasunagatik soilik oheratu naiz mutil batekin, maitemindurik...). ESKER MILA AUNITZ, ASIER... KPMZ Gure urratsak inoiz gurutzatuko al dira, ala itsasoan galtzera kondenaturik daude? (Txingudi) Ainara Maya Urroz Uztaila 07(a)ren 21:16(e)tan MAITEMINEZ ITSASOARI BEGIRA URRATS BAT AITZINA MAITEAREN GALDEZ MINA ERANTZUN ISIL EZPAIN APARTSU ETA AZAL HORI MAITALEA MAITAL EAREN GALDEZ MINA ERANTZUN ISIL BEGIAK MALKOTAN ETA AHOA DARDARATI MAITEMINEZ ITSASOARI BEGIRA ZENBAT MIN OTE DU MUNDUAK ZENBAT NEGAR EGIN BERTAKO IZAKIOK ETA NI HITZ UMIL ETA TXIKI HAUETAN MAITEAREN ERANTZUNAREN GALDEZ SAKELEKO TELEFONOARI BEGIRA BERE DEIAREN ZAIN GALDURIK NIRE AZAL HORIA NIRE MIN HORIA ZURITU NAHIAN LETRA URDIN HAUEKIN.  2010/07/13 - 08:51:02