Eskoriatza - Albisteak - Goiena.net
3.000 euro aurreztuko dituzte argiztapen berriarekin
Eskoriatzan Gaztaņadui kalean eta Luis Ezeiza eskolaren ondoan, LED teknologiako argiztapena ipini dute. Argiztapen berriarekin aurreikusten da, CO2 emisioak 10 tona gutxituko dituztela, eta urtean 3.000 euro aurreztuko dituztela. Inbertsioa 40.805 eurokoa izan da eta Estatu Fondoaren laguntza izan dute argiztapen berria jartzeko. 2010/08/27 - 10:32:02
Bisita gidatuak Zubiate labea ezagutzeko
Zubiate labea balioan jarri nahi du Aranzadi zientzia elkarteak, izan ere, Euskal Herrian gordetzen den zeramika labe adibide onenetakoa da eta, gaur egunera arte iritsi den mota horretako bakarra da Gizpukoan. Horretarako, bisita gidatuak antolatu dituzte eta erreserbak aurrez egiteko eskatu dute. 2010/08/18 - 16:02:07
Kultura taldeek diru-laguntzak eskatzeko aukera dute irailaren 19ra arte
Herriko kultura talde eta elkarteek irailaren 19ra arteko epea dute diru-laguntzak eskatzeko. Helburua da talde horiek burutzen dituzten jarduerak diruz laguntzea. Jarduera horiek Udaleko Kultura batzordeak dituen helburuekin bat etorriko dira; hau da, udalerrian kalitatezko kultura jarduerak eskaintzea eta Eskoriatzako herritarren eta gainerako kultura elkarteen arteko lankidetza bultzatzea. Eskaerak astelehenetik larunbatera, 10:00etatik 13:00etara, aurkeztu ahal izango dira, Udaletxeko Erregistro Orokorrean. 2010/08/10 - 12:57:06
Zaharren egoitzako kudeatzailea kargugabetzeko erabakia babestu du Udalbatzak
Eskoriatzako Udalbatzak babesa eman dio astean Patronatuak zaharren egoitzaren kudeatzailea kargugabetzeko erabakiari. Harek egindako falta larriak argudiatu zituen beren garaian Patronatuak erabaki hori hartzeko orduan. Hamaikabat eta EAJ alderdiak neurriaren kontra azaldu dira. 2010/07/30 - 10:23:03
Elizateen Elkartearen izenean Unai Salaberriak hartu du zinegotzi kargua
Eskoriatzako Udalak 11 zinegotzi ditu berriro. Atzoko osoko bilkuran (uztailak 26) Unai Salaberriak hartu zuen zinegotzi kargua Elizateen Elkartearen ordezkaritzan. Unai Salaberria Leire Okaranzaren partez sartu da. 2010/07/27 - 12:52:05
Mario Diazen kontzertua bertan behera
Ezusteko handiak gertatu ziren atzo (zapatua) Eskoriatzan. Ezustekoetako bat egubakoitzean hasi zen, Chambaoko La Marik Azkoaga Enea hotelean kontzertua egingo zuela zabaldu zenean. Zapatuan konfirmatu zuten notizia: Mario Diaz musikariarekin batera kontzertua egin behar zuen, Diaz disko berria aurkezten zebilen-eta, hari laguntzen. Musika zaleei, baina, interesatzen zitzaiena zen Chambaoko La Mari zetorrela. Eta azkenean gertatu zen ezustekorik handiena: ez Mario Diazek eta ezta La Marik ere, ez zuten batek ere abestu Eskoriatzan. 2010/07/25 - 10:38:03
Chambaoko La Marik kontzertua egingo du gaur Mario Diaz musikariarekin
Mario Diaz musikaria 'Gloria Bendita' izeneko disko berria aurkezteko bira egiten dabil Chambaoko La Marirekin batera. Euskal Herrian dabiltza egunotan eta gaurko aurreikusita zuten kontzertua bertan behera geratu da. Hori horrela, taldeko ordezkaria Errekan Gora jaialdiko antolatzaileekin harremanetan ipini da Eskoriatzan kontzertua egin ahal izateko. Zuzenekoa Azkoaga Enea hoteleko lorategian izango da 22:00etan. 2010/07/24 - 17:16:02
Atxorrotzen amaituko da jaialdia bihar, Bizardunak-en emanaldiarekin
Bihar, zapatua, amaituko da aurtengo Errekan gora jaialdia. Ekimen bereziarekin emango dio amaiera Aitzorrotz kultura elkarteak; hain justu, Bizardunak musika talde ospetsuak bihar, zapatua, Atxorrotzen egingo duen emanaldiarekin. 2010/07/23 - 12:18:03
Ausartekin, Huheziko aretoa leporaino
Zapatuan bere lehen emanaldia eskaini zuen Eskoriatzako Ausartak antzerki taldeak 2010/07/18 - 18:20:01
Social Distortionen baxu ohiak joko du domekan
Social Distortion talde amerikarraren baxu jole ohi Jhon Maurerrek proiektu berria aurkeztuko du etzi, domeka, Gernika plazan. 19:30ean hasiko da Five Alarm Fire taldearen kontzertua.Taldeak Euskal Herrian eskainiko duen musika emanaldi bakarra da Eskoriatzakoa. 2010/07/16 - 14:15:02
